Главная » 2011»Июль»6 » Xanəli Tolışə “Qızıl Qələm” mükafatı təqdim edildi
23:37
Xanəli Tolışə “Qızıl Qələm” mükafatı təqdim edildi
Bu gün (06.07.2011) Masallı rayon kitabxanasının oxu zalında xalqımızın qocaman şairi, 71 yaşlı Ağayev Xanəli Şirəli oğluna - Xanəli Tolışə "Qızıl Qələm” mükafatının təqdim edilməsi münasibətilə təntənəli mərasim keçirilmişdir.
Tədbiri giriş sözü ilə bu günlərdə çap üzü görmüş, 194 masallılı yazarın əsərləri toplanmış "Masallının söz çələngi” kitabının redaktoru, şair-publisist Rafiq Məmməd açmışdır.
Şair-publisist Allahverdi Bayrami Xanəli Tolışın həyat və yaradıcılığı barədə məruzə ilə çıxış etmişdir. Sonra Masallı rayon icra hakimiyyətinin yubilyara təbriki oxunmuşdur.
Xanəli Tolışın iş və qələm dostları Hadi Seybətinli, Əvəz Nəbioğlu, Nəhmət Adıgözəlli, Etibar Aydın, Arif Fərzəli, Məmmədşah Mirzə və başqaları çıxış edərək yubilyara xoş arzularını bildiriblər.
Şairin nəvələri babanın sözlərindən ibarət ədəbi bədii poetik buketlə məclisə təravət gətiriblər. Sonda Xanəli Tolış bu tədbiri təşkil edənlərə minnətdarlığını bildirmiş və yeni yazdığı şeirlərini oxumuşdur.
