Главная » 2012»Февраль»10 » Talışlar haqqında kitab İranda “ilin kitabı” elan edildi
22:51
Talışlar haqqında kitab İranda “ilin kitabı” elan edildi
Ermənistan Dövlət Universitetinin İranistika Kafedrasında professor Qarnik Asatryanın rəhbərliyi ilə hazırlanan "Talış xalqının tarixinə və mədəniyyətinə giriş” monoqrafiyası İranda "İlin kitabı” mükafatına layiq görülmüşdür. İranın Mehr İnformasiya Agentliyinin yaydığı məlumata görə mükafatın verilməsilə bağlı düzənlənən təntənəli mərasimdə İİR-nın Prezidenti Mahmud Əhmədnicat, İranın yüksək vəzifəli şəxsləri, İİR-da akreditə olunmuş diplomatik nümayəndəliklərin başçıları iştirak etmişlər.
"Talış xalqının tarixinə və mədəniyyətinə giriş” monoqrafiyası İranistika sahəsində tədqiqat nominasiyası üzrə birinci yerə layiq görülmüş və mükafat Prezident Mahmud Əhmədnicat tərəfindən müəllifə şəxsən təqdim edilmişdir.
Xatırlayaq ki, "Talış xalqının tarixinə və mədəniyyətinə giriş” monoqrafiyası 10 fəsildən və bir neçə əlavədən ibarət olub, talışşünaslığın bir sıra aspektlərini, o cümlədən talış etnosunun mənşəyi, Talış ərazisində qədim svilizasiyaların izləri, onun toponomikası, əhalisi, talış xalqının tarixi, dini və xalq inancları, etnoqrafiya, xalq incəsənəti, dil və ədəbiyyat məsələlərini əhatə edir.
