Lənkəran rayon icra hakimiyyətinin başçısı, hazırda xəstə olduğu bildirilən Taleh Qaraşovun adı 150 min manatlıq rüşvət qalmaqalında hallanır.
Maraqlı budur ki, həmin ittihamlarda Lənkəranın icra başçısı, polis rəisi və prokurorunun adı çəkilir.
Cumhuriyyet.az xəbər verir ki, 2014-cü il fevral ayının 24-də Lənkəranın icra başçısı Taleh Qaraşovun əmri ilə Lənkəran sakini, həkim Qurbanov Nurəddin Ələkbər oqlu həbs edilib.
Hadisəyə səbəb isə biabırçı qalmaqallar olub. Belə ki, 2012-ci ilin avqust ayında Nurəddin Qurbanov Lənkəran İcra hakimiyyətində işləyən Məmməd Səfərovdan icra başçısının müavini olmaq üçün əvvəl 120, sonra isə 150 min manat pul alınıb:
"Həmin pulu Nurəddin Qurbanov Cəlilabad Mərkəzi Rayon Xəstəxanasının baş həkimi işləmiş Sədatxan həkimin vasitəsi ilə icra başçısına (Taleh Qaraşova) verib. Bu pul M.Səfərovu İcra Başçısının müavini vəzifəsinə təyin etdirmək üçun verilib. Hətta bundan sonra T.Qaraşov M. Səfərovu qəbul edib və onu bu vəzifəyə təyin edəcəyini deyib. Ancaq bu məqsədlə o, Bakı şəhərinə gedib qayıdandan sonra həmin vəzifəyə başqa adamın veriləcəyini bildirib və pulu yenə də Sədatxan həkimin vasitəsi ilə N.Qurbanova qaytarıb, o da bu pulu 22 mart 2013-cü il tarixində M.Səfərova geri verib.
27 mart 2013-cü il tarixində isə M.Səfərovdan Rayon Təhsil şöbəsinin müdiri vəzifəsinə keçmək üçün 150.000 min manat istənilib və bu məbləğ yenidən N.Qurbanova verilib. Həkim Nurəddin Qurbanov bu pulu Cəllilabadlı sahibkar və Taleh Qaraşovun biznes ortağı olan Zaur Arif oğlu Rəhmanova verib. Zaur da bu pulu Taleh Qaraşova çatdıracağını deyib. Ancaq Məmməd Səfərov heç bir vəzifəyə təyinat almayıb və pulunu həkimdən tələb etməyə başlayıb. Həkim dəfələrlə Zaura zəng edib, yanına gedib ki, pulu qaytar. Lakin Zaur pulu qaytarmayıb və həkimi ona böhtan atmaqda günahlandırıb. Məmməd Səfərov bu iş haqda ərizə ilə polisə müraciət edib. 2013-cü il dekabrın 25-də həkim N.Qurbanov evdə xəstə yatarkən (yüksək dərəcədə şəkər və böyürəklərində kreatinin çoxalması) Lənkəranın polis rəisi Möhübbət Hüseynov onu çağıraraq, psixi təsir göstərməklə (dəyənək gətirib, etikaya sıqmayan hərəkət edəcəyi ilə onu hədələyib, əllərini qandallatdıracağını, yerli televizyada çəkiliş aparacağını, heç bir etikaya və kişiliyə sığışmayan sözlərlə - həyat yoldaşını və uşaqlarını şöbəyə gətirəcəyi ilə) hədələyib. 61 yaşlı ağsaqqal və xəstə halda polisə çağırılan həkimə bu böyük təzyiqlər altında izahat yazdıraraq pulu mənimsədiyini onun boynuna qoyub və sonra oz mobil telefonu ilə kiməsə zəng edərək, şaqqanaq çəkib, günahı həkimin üzərinə qoyduğunu söyləyib. Və elə həmin gün həkim ayaq ustə infarkt keçirib. 2013-cü il dekabrın 26-da polis rəisi özü həkimin kiçik oğlunu yanına çağıraraq, onun, yəni Qurbanov Yalçın Nurəddin oğlunun adına olan (Bankdan kredit götürərək alınıb) evini Məmməd Səfərovun adına keçirməyi tələb edib. Hansı ki həkim Nurəddin öz yaşadığı evi banka girov qoyaraq oğluna ev alıb. Rəis isə Yalçına təzyiq göstərərək deyib ki, saat 3-ə qədər evi Məmmədin adına keçirməsən, atanı buradan birbaşa həbsə göndərirəm. Xəstə atasının pis vəziyyətdə olduğunu görən Yalçın atasına xatir bu işə razı olub. İmkansızlıqdan təmir etdirə bilmədiyi evi Məmmədin qaynı Ağayev Vüqar Balağa oğluna «bağışlamaq» məcburiyyətində qalıb. Hətta Lənkəranın prokuroru Natiq Abdullayev notariusa zəng edərək, bu işi 10 dəqiqə ərzində həll elətdirib. Halbuki, evi birinin adından başqasının adına keçirmək üçün günlərlə notariusa və Reyestr idarəsinə getmək lazım gəlir. Sabahı gün isə həkimin böyük oğlu Qurbanov Nuran Nurəddin oğlu, atası və qardaşı birlikdə çağırılıb, onun sürdüyü VAZ 21015 markalı maşını Məmmədə verməyi tələb ediblər. Polis rəisi deyib ki, bununla da işi bağlayacağıq. Həkim və oğlanları bütün bu işlərin tələ olduğunu və polis rəisinin hər gün bir şey tələb edəcəyini başa düşərək, maşını verməyiblər. Polis rəisi Nuranı maşınına həbs qoyacağı ilə hədələyib, lakin Nuran yenə maşını verməkdən imtina edib. Həkim polis rəisi və prokurora dəfələrlə pulu Zaurun mənimsədiyini desə də, polis rəisi və prokuror həkimə Zaurun adını çəkməməyi tapşırıblaar. Həkimin səhhəti nisbətən düzələndən sonra, uzun maneələrdən sonra 1-ci izhatının təzyiq altında alındıqını deyərək, 2-ci dəfə doğru izahatını verib. Lakin bu günə qədər əvvəlki izahata əsaslanaraq həkimin istintaqını onun əleyhinə aparıblar. 2-ci izahat isə işə daxil olunmadan yoxa çıxarılıb. Ona görə də, polis rəisi və prokuror icra başçısı Taleh Qaraşovun göstərişi ilə Zauru müdafiə edərək günahsız həkimi həbs ediblər. 27 dekabır 2013 cü il tarixində həkimin həyat yoldaşı Daxili İşlər Nazirliyinə şikayətə gedib. Lakin orada ona heç kim qulaq asmayib. Həmin günü oradan Milli Təhlükəsizlik Nazirliyinə gedib və orada həkimə böhtan atıldığı ilə əlaqədar rəsmi ərizə ilə müraciət edib. 28 dekabr Prezident Aparatında mətbuat katibi Azər müəllimin qəbulunda olub və bu hadisə haqqinda ona məlumat verib. Azər məllim onu Baş Prokurorda Yadigar müəllimin yanına göndərib. Ancaq qəbulda oturan bir qadın işçi Yadigar müəllimin onu qəbul edə bilməyəcəyini söyləyib. Bütün bu distansiyalara gedərkən həkimin yoldaşı N.Qurbanovun cənab prezidentlə olan şəkilini də göstərib. Lakin yenə də onu heç bir yerdə qəbul etməyib və dərdinə qulaq asmayıblar. Yazdıqı ərizəyə də bu günə qədər cavab gəlməyib.
1997-ci ildən 2006-cı ilə qədər Qurbanov Nurəddin Lənkəran Mərkəzi xəstəxanasının baş həkimi işləyib. İşlədiyi müddət ərzində həmişə imkansız xəstələrə yardıb göstərib, onların ehtiyaclarını ödəyib. 2004-cü ildə Lənkəranda yaşayış binası çökəndə həkim Nurəddin Qurbanovun həmin xəstələrə göstərdiyi qayğı yəqin ki, o insanların yadından çıxmayıb. Səhəri gün çökmüş binanın zərərçəkən sakinlərinə baş çəkməyə gələn Cənab Prezident İlham Əliyev xəstələrə diqqətlə qulaq asıb və onlardan soruşub ki, həkim sizə necə baxır ? Xəstələr də prezidentə həkimdən razılıqlarını bildiriblər. Yəqin ki, bu hadisə cənab Prezidentin yaxşı yadındadır. Amma Lənkəranın yerli məmurları belə bir insanı etmədiyi günaha görə məhv edirlər. Nurəddin Qurbanov bu yaşına qədər işlədiyi vəzifələrdə dövlət pulunu və ya kiminsə şəxsi pulunu mənimsəsəydi, yəqin indi özü hökumət evində yaşamazdı. Və yaxud yaşadığı evi girov qoyub oğluna ev almaq məcburiyyətində qalmazdı.
Maraqlıdır polis rəisi, prokuror, icra başçısı sahibkar Zauru nə səbəbə bu qədər müdafiə edib, günahsiz ağsaqqal bir həkimi həbsə atdırıblar? Təzyiqlər nəticəsində infarkt keçirən, şəkər xəstəsi və böyürəkləri xəstə olan 61 yaşlı insanın başına bir iş gəlsə, bunun cavabını kimlər verəcək?
Həkimin xəstəliyini nəzərə alaraq, bütün qohumlar borc taparaq M. Səfərovun pulunu ödəyiblər. M.Səfərov da polis şöbəsində ərizə yazaraq pulunun ödənildiyini və həkimin azadlığa buraxılmasını xahiş edib. Bunu məhkəmələrdə də dəfələrlə söyləyib. Halbuki, 150.000 manat pul T.Qaraşovla Z.Rəhmanovun arasındadır və bu məbləğin kimdə nə qədər olmasını bir onlar ikisi, bir də Allah bilir. Lakin bütün bunlara baxmayaraq, həkim Lənkəran və Bakı təcridxanaları arasında qalıb.
14 aprel 2014-cü il tarixində hakim Elşad Əliyevin sədirliyi ilə məhkəmə oldu. 21 aprel 2014-cü il tarixində M.Səfərov məhkəmədə çıxış edib, yuxarıda yazılanları olduğu kimi deyib. Rəhmanov Zaur da dindirilib. Zaur əvvəl həkimi tanımadığını, 1-ci dəfə gördüyünü deyib, lakin hakimin və köməkçilərinin verdiyi suallardan və şahid Məmmədov Dadaşın çıxışından sonra Zaurun yalan danışdığı üzə çıxıb. Bundan sonra o, həkimi tanıdığını etiraf edib. 12 may 2014-cü il tarixində növbəti məhkəmədə N.Qurbanov M.Səfərovun dediklərini olduğu kimi təsdiq etdi.
20 may 2014-cü ildə növbəti məhkəmə təxirə salındı. 2 iyun 2014 cü il tarixində məhkəmədə prokuror həkimə 7 il iş istədi. Növbəti məhkəmə 12 iyun 2014-cü il tarixdə olacaq.
Maraqlıdır Z. Rəhmanov nə 12-si, nə 20-si, nə də 2 iyun iclaslarında iştirak etməyib. Bundan əlavə, Sədatxan həkim ümumiyyətlə məhkəməyə dəvət olunmayib. T.Qaraşov da həmçinin məhkəməyə dəvət olunmayıb və izahatı da alınmayıb. M.Səfərov T.Qaraşovdan bütün ditansiyalara şikayət məktubları, teleqramlar yazdığı üçün onu Lənkəran rayon Kərğalan kənd orta məktəbinə direktor təyin etdirib. Günahsız həkimə isə iş tələb olunur. Bu, necə ədalətdir? Belə bir haqsızlıq sabah hər bir insanın başına gələ bilər".
TALISH.ORG
