 Əssalamun-əleykum, ey Adəm övladları!
Bu dərəcədə qorxursunuz ki, salamın cavabını da almırsınız?
"Salam” Alahın Adəm övladlarına buyurduğu ünsiyyət vasitəsidir. Nədən Allahın qəzəbindən qorxmayıb, bu murdar, öz xalqının qanına susamış rejimdən qorxursunuz? Onsuz da Adəm övladının Allaha bir can borcu olması hər kəsin alın yazısıdır.
Bu gəlimli-gedimli dünyada baş alıb gedən fəlakətləri görmürsünüzmü? Dünyada tək Allahdan başqa, elə bir varlıq varmı ki, gözlərimizin şahidi olduğu təbii fəlakətlərin qarşısını ala bilsin?
- Əlbəttə ki, yox!
Gözəl peyqəmbərimiz biz müsəlmanlara buyurub ki, "Zülmə baş əyən, zülümkara bərabərdir”. Düşündürücü məsələ budur ki, bəzi hakimiyyət yönlü dindarlarınız və müəllimləriniz, yeri düşəndə özlərini ali ranqlı ziyalı saysalar da insanlıq ləyaqətindən məhrum olmaları heç kimə sirr deyil. Masallı rayonuna hər dəfə təzə İHB-sı gələndə, yan-yörəsinə tula, it kimi hərlənib, fırlanıb, bütün dini, milli, insani dəyərləri ayaq altına ataraq, məddahlıq edərək, yalnız şəxsi təlabatlını həll etməyə üstünlük verməklə xalqın adından danışmaqdan da çəkinmirlər.
Çox qəribədir ki, dini dəyərlərinizi qoruyan, haqq sözü deyən din qardaşlarınızı narkotik və digər iyrənc vasitələrlə şərləyib zindanlara atanda, məclislərdə başda oturan, maddi cəhətdən daha üstün yararlananların cınqırı da çıxmır. Bu qəbildən olan "dindarların” Kərbəla müsibətindən, peyqəmbərlərin Siz insanlara əmanət etdiyi əxlaq normalarından danışmağa haqqı varmı?
Ay canınıza daraşım, mətləbdən uzaq olmayıb, rejimin hədəfində olan bacı-qardaşlarınıza tövsiyə edirəm ki, evdən çıxanda ciblərini tikiblə "şanlı” polisinizdən özlərini qorusunlar. Necə şərləyirlərsə Allah bəlaların versin. Heç olmasa "narkotik” vasitələrlə şərləməsinlər.
 Yox, yox! Söhbəti uzatmaq fikrim yoxdur. Sadəcə xəbərdarlıq edirəm ki, rejimin müxalifət partiyaları ilə qətiyyən işi yoxdur. Çünki bəzi müxalifət partiya sədrləri məhz bu hakimiyyətin sərfəli namenklaturasıdır. Deyin görüm, AXCP Masallı rayon təşkilatının sədri Əlişir Bəşirovla rejimin nə işi ola bilər?! Bu adam 1-saylı məktəbdə bədən tərbiyyəsi müəllimi, kifayət qədər dərs saatı, eyni zamanda rejimdən asılı olan həmkarlar təşkilatının sədri, ordudan yayınan oğlu BANK işçisi, bazarda dükanları, yanacaq-doldurma məntəqəsi olmaqla, rejimdən gen-bol yararlandığı halda dili olarmı ki, onun əleyhinə ağız açıb söz desin, xalqa edilən zülümdən danışsın? Anoloji vəziyyət paytaxt müxalifətinə qədər "həmrəng” olduğundan, iyirmi il ərzində rejimə heç bit təsir gücü olmamışdır.
Hal-hazırda rejimin hədəfində Masallı "xəbər44” internet qəzeti olsa da, bu və digər qəzetlərdə, internet-sosial şəbəkələrdə tənqidi çıxışlar edən karikaturaçı-jurnalist Mətləb Dadaşovla yanaşı, saytın oxucuları da rejimin hədəfindədir. Bu bədbəxt, vətəndaşların qanına susamış bəzi hakimiyyət mənsublarının başında duranlar dərk etmirlər ki, xalqın içindən çıxmış, haqq sözünü deyən yaradıcı insanlar Allaha yaxın olanlardır. Allah onları həmişə bütün bəlalardan hifs edəcək, zamanı gələndə göndərdiyi böyük bəlada ölsələr də, şəhidlik məqamına çatacaqlar. Rejimin bəzi "başbilənləri” isə it kimi gəbərib, topladıqları sərvətləri də əcnəbilər mənimsəyəcək. Lap elə Qəddafi və ondan da əvvəlki diktatorların topladığı sərvəti kimi...
PS. Məlumat üçün bildirim ki, 08. 09. 2012-ci il tarixdən məlum olmayan səbəblərdən internet xəttimizin kəsilməsi ilə əlaqədar bu yazını sosial şəbəkələrdə paylaşmaq mümkün olmadı.
Çox keçmədi ki, yazıda verilən məlumat təsdiqini tapdı. Aldığımız məlumata əsasən, Masallı Xəbər44.com saytının rəhbəri Araz Quliyev İHB-sı Rafil Hüseynovun sifarişi ilə, Masallı rayon polis şöbəsi tərəfindən həbs edilib.
Ditdili bəy |
