Bakı Apellyasiya Məhkəməsi Fevralın 29-da Ali Məhkəmədə Azərbaycan İslam Partiyasının sədri Dr.Möhsün Səmədov, onun qayını Firdovsi Məmmədrzayev, əmisi oğlu Dəyanət Səmədov, partiya sədrinin müavini Hacı Vaqif Abdullayev və Astara rayon təşkilatının sədri Ruhulla Axundzadə, ruhanilər Fəramiz Abbasov və Zülfüqar Mikayılzadənin kassasiya şıkayətlərinə "yox” deyib.
Vəkil Anar Qasımlı deyib: "Bakı Apellyasiya Məhkəməsində hazırlıq iclası keçirilərkən işə məhkəmə istintaqı qaydasında baxılmasını istəmişdik. Bu istəyimizə "yox” deyildiyindən Ali Məhkəməyə şikayət vermişdik. Şikayət təmin olunmadı”.
2011-ci il oktyabrın 7-də Bakı Ağır Cinayətlər Məhkəməsi Azərbaycan İslam Partiyasının lideri Mövsüm Səmədovun 12 il, partiyanın Astara rayon təşkilatının sədri Rufulla Axundzadənin 11 il 6 ay, partiyanın sədr müavini Vaqif Abdullayevin 11 il, Masallı ruhanisi Fəramiz Abbasovun 11 il, Mövsüm Səmədovun qayını Firdovsi Məmmədrzayev, əmisi oğlu Dəyanət Səmədovun isə hər birinin 10 il müddətinə həbs verilməsinə dair hökm çıxarıb. İlahiyyatçı alim Zülfüqar Mikayılzadə 5 il sınaq müddəti tətbiq olunmaqla 11 il şərti həbs cəzasına məhkum olunub.
Məhkum olunmuş islamçılar Dr. Möhsün Səmədovun Prezident İlham Əliyevi hicab qadağasına görə sərt tənqid etməsindən sonra həbs olunmuşdular.
Bakı Apellyasiya Məhkəməsi "Hicaba azadlıq” aksiyasına görə məhkum olunmuş Məmməd Əsgərov və Zaur İsgəndərovun şikayətini təmin etməyib.
Vəkil Anar Qasımlı deyib ki, qərardan Ali Məhkəməyə şikayət olunacaq.
Vəkil əlavə edib : "Eyni zamanda may ayında "Hicaba azadlıq” aksiyasına görə həbs edilmiş dindarların həbsinin 1 ili tamamlanacaq. Qanun imkan verir ki, məhkum cəzasının üçdə bir hissəsini çəkəndən sonra vaxtından əvvəl azadlığa buraxılması üçün müraciət etsin. Bu hüquqdan yararlanmaq üçün də məhkəməyə müraciət etməyi nəzərədə tutmuşuq”.
"Hicaba azadlıq” aksiyası 2011-ci il mayın 6-da Təhsil Nazirliyinin qarşısında keçirilib. Aksiyaya görə 15 nəfər məhkum olunub. Tənqidçilər bildirirlər ki, Azərbaycan Respublikası hicab qadağasına eriraz edənlərin hətta bu respublikanın qanunlarında nəzərdə tutulmuş hüquqdan məhrum edib ki, bu isə ictimai partlayışa səbəb ola bilər.
