Главная » 2012»Июнь»18 » Astarada talış folklor və mədəniyyət gecəsi keçirilmişdir
19:04
Astarada talış folklor və mədəniyyət gecəsi keçirilmişdir
"Tolışi Sədo” qəzetinə məxsus "ToloshiSado” niki ilə yayımlanmış "Tı kto takoy, davay do svidaniya!” video-roliki Rusiya, Ukrayna və digər MDB məkanlarını fəth etdikdən sonra Rusiyanın bir sıra mərkəzi telekanalları da bu roliki ərsəyə gətirən müəlliflə və orada iştirak edən meyxanaçılarla reportaj hazırlamışlar.
Bu ayın 12-də Bakıya gələn Rusiyanın NTV çəkiliş qrupu da 3 gün Azərbaycanda olmuş və rolikin qəhrəmanları ilə görüşmüşlər. İyunun 13-də axşam 3 saat ərzində Astaranın Ərçivan kəndində bu hadisə ilə bağlı olaraq Talışların möhtəşəm folklor və mədəniyyət gecəsi keçirilmişdir.
Tədbirdə NTV-nin çəkiliş qrupu iştirak etmişdir. Gecəni "Tolışi Sədo”("Talışın Səsi”) qəzetinin baş redaktoru Hilal Məmmədov açmış və bu qələbəni bütövlükdə nəinki cəmi Talışların, eləcə də Azərbaycan xalqının ümumi uğuru saymışdır. Sonra məclisin aparıcısı Rizvan Şıxizadə (rolikin qəhrəmanlarından biri) sözü məclisə ev yiyəliyi edən Talış müğənnisi Fəxrəddin Talışa vermişdir. Fəxrəddin Talış qonaqları salamladıqdan sonra talış dilində mahnılar ifa etmişdir.
Məclisdə İntiqam və Ehtiram Rüstəmovla yanaşı digər yerli meyxanaçılar da deyişmiş, "Toloşə nənon” bir neçə mahnı oxumuş, Amid TT rep ifa etmiş, şairlərdən Camal Lələzoə, Nəriman Azəri şerlər oxumuşlar. Səməd Tolışin və gənc mügənnilərin oxuduqları talış mahnı və muğamları tamaşaçıları valeh etmişdir.
Talış Mədəniyyət Mərkəzinin sədr müavini Mehdibəy Səfərov və axund Əli Rzayev də xalqı təbrik etmişlər. Gecəni Hilal Məmmədov yekunlaşdırmışdır.
Aşağıda məclisdən video-fraqmentləri oxucularımıza təqdim edirik...
