 ƏssalamunƏleykum, ey Adəm övladları!
Bu şəkildə gördüyünüz su bəndi kimi, hər kəsin səbir kasası da bu cür dolub, daşmaqdadır.
Həmişə olduğu kimi, bu dəfə də salamımı almadınız. Neynək, mən onsuzda sizin xəbis xislətinizə bələdəm, ay zavallılar!
Deyirsiniz sancıram? Sancmayıb neyləyim, ay canınıza daraşım!
Sizləri sancmaqda məqsədim budur ki, olmayan ağlınızı başınıza toparlayıb, ətraflı düşünəsiniz. Dünya həmin dünyadır. ALLAHIN da diqqət-nəzəri hər bir yaratdığının üstündədir. Allah siz insanları çox sevdiyindən, siz də onu sevin, onun sizə göndərdiyi qanunlardan kənara çıxmayın, o qanunlardan kənar, şeytana uyub, özünüzdən insanlığa zidd qanunlar icad edib, yaxud yalan və böhtanlar üzərində özünüzə süni qanunlar yaratsanız, onda ALLAHIN qəzəbinə tuş gələcəksiniz. Bax onda nə qərbin, nə şimalın, nə şərqin, nə də cənubun harayınıza çatmağa macalı olmayacaq. ALLAHIN qəzəbindən qorxun!
Ay casnınıza daraşım! Allah sizi yaratmaqla, yer üzündə sizə müəyyən bir müddət yaşamaq üçün yer ayırdı, aranızda ünsiyyət qurmaq üçün dil, qəbilələrə, tayfalara, millətlərə böldü ki, yaradanınızı unutmayıb, ona şükür edəsiniz.
Qərarlaşdığınız hər dövrdə yolunuzu azdınız. Həmişə də Allah sizlərə peyqəmbərlər göndərdi. İmana gəlmədiyinizdən, Allah da sizə bəlalar göndərdi. Nədən unudursunuz ki, bu kiçik Azərbaycan Xanlıqlara parçalandığını, yadelli işğalçıların zülmünə məruz qaldığını?
 Allah bu sevdiyi insanlara, yaşamağa məkan qərar verdiyi məmləkətə on dörd yaşlı sərkərdə, yaradanını tanıyan, gözəl mütəfəkkir, ictimai-siyasi xadim göndərdi. Bu böyük sərkərdə ŞAH İSMAYIL –XƏTAİ paran parça olan, xanlıqlara bölünən məmləkəti birləşdirərək, vahid, güclü AZƏRBAYCAN DÖVLƏTİNİ QURDU.
Sonralar, öz din qardaşları tərəfindən bu məmləkətə müharibə elan edildi. Anadolu Türkü SOLTAN SƏLİM bu məmləkəti işğal etdi. Onunla gələnlərin bir çoxu burda məskunlaşıb yaşamağa başladılar. O dövürdən başlayaraq, bu məmləkətin parçalanma siyasəti davam etməkdədir.
Çox keçmədi ki, bircə "GÜLÜSTAN” müqaviləsi ilə Azərbaycan ikiyə bölündü. O dövürdən başlayaraq, Soltan Səlimin törəmələri Azərbaycanda yaşayan köklü azsaylı xalqları içəridən "əridib”, türk dövləti yaratmağı qarşılarına məqsəd qoydular.
Baxmayaraq ki, böyük rus imperiyası bu ideyaya imkan verməyib, heç vaxt da verməyəcək. İllər keçdikcə, hər bir xalq kimi Azərbaycan xalqı da müstəqilliyə can atmışdır, təbii ki, bu istək ancaq bu torpağa ruhu ilə bağlı olan azsaylı xalqların marağında olsa da, çoxluqda olan milli toplumun adı ilə bağlı olmuşdur. Zatən "TAT” millətindən olan M.Ə. Rəsulzadə özünə türk deyərək, şərqdə ilk demokratik cumhuriyyət yaratdı. Yaratdığı bu demokratik dövlətin strukturlarında azsaylı xalqların, din xadimlərinin nümayəndələri də təmsil olunmuşdular. Məhz bu parametrlərə görə xalq tərəfindən bu gün də o dövürkü "demokratik cümhuriyyət” sevilir. Qloballaşan müasir dövrümüzdə Soltan Səlimin törəmələri bu ölkənin aboragen xalqlarını özlərinin "assimiliyasiya” siyasəti ilə tamamilə sıradan çıxartmaqdadırlar.
Bu həqiqətlərlə heç kimi yormaq fikrim yoxdur. Deyin görüm, yaşadığımız iyirmi birinci əsrdə hansı insanın yaşadığı məntəqədə elektrik xətti, məktəb, səhiyyə-tibb məntəqəsi yoxdur?
Bu sualın cavabını mən deyirəm: Talış bölgəsinin Masallı rayonunun DİCO kəndində. Bu kənd, hal-hazırda elə assimiliyasiya olunub ki, cəmi beşcə ev qalıb. Kənd əhalisi bir tikə çörək dalınca tərkivətən olaraq, Rusiyanın soyuq Sibirinə köçməkdədir. Yerdə qalan beş evdən on bir nəfər Qarabağ müharibəsinin iştirakçısıdır.
Guya ki, Azərbaycan müstəqil ölkədir. Deyin görüm, bu müstəqillikdən bəhrələnənlər kimlərdir?
 Zəngin neft ehtiyatları olan, bu müstəqil ölkənin magistral yollarına da baxın, görün nə gündədir. Şəkildə gördüyünüz yol, Afrikaya gedən cəngəllik yolu deyil, Masallı rayonunun Boradigah-Lənkəran dövlət əhəmiyyətli magistral yoludur.
Ay canınıza daraşım, nədənsə problemlərdən yazan adamlar Soltan Səlimin törəmələrinin qəzəbinə tuş gələrək, "separatçı” damğasını da çox asnlıqla qazanmış olurlar. (?).
And olsun məni və sizi yaradana, nə qədər ki, ölkəmizdə "aboragen” xalqlara, dindarlarımıza, yazarlarımıza qarşı "sionizmin” sifarişli təqib və həbsləri davam edərsə, Allah da onların məkirli arzularını ürəklərində qoyacaq! "Ana babamız” Şah İsmayıl bilsəydi ki, onun əqrabaları bu gün "sosial yardım” deyilən dilənçi payını da Soltan Səlimin hakimiyyətdə oturan törəmələri qamarlayıb yeyəcək, hüquqları bu dərəcədə tapdalanacaq, o parakəndə halında olan xanlıqları heç vaxt birləşdirməzdi. Azərbaycan adlı belə bir "əndirəbadi” halda olan məmləkət də olmazdı.
Bu sülalə hakimiyyəti mənsublarına da İbrahim (ə) dövründəki NƏMRUD adlı hökümdarı xatırlatmaq istəyirəm. Yəqin ki, Nəmrudun dəhşətli ölümündən xəbəriniz var. Ona da bəndənin gücü çatmırdı, danışanı məhv edirdi. Sonda isə kiçik bir "Ditdili” onun burnundan beyninə girib, qırx il onu dəhşətli əzaba düçar etdi....
Bir daha deyirəm, ey ADƏM övladları, haqqı bilə-bilə batil etməyin, bilirsiniz ki, vahid Azərbaycan dövlətini quran Şah İsmayıl- Xətai olub.
İndi deyin görüm, biz Şah İsmayılı sevib, ruhunu əziz tutmalıyıq, yoxsa Soltan Səlimi? Ay zavallılar, bu dediklərimin doğruluğunu axı siz də çox yaxşı bilirsiniz, barı Allahı yada salıb, onun QƏZƏBİNDƏN QORXUN !!!
Ditdili bəy
Karikaturalar arxivinə baxmaq üçün bura daxil ol
|
