Bur dostum var. Yekaterinburqda yaşayır. Bunu mənə o danışdı:
"Bir talış yaşayır Yekaterinburqda. Restoran biznesi ilə məşğuldur. Uzaq tanışlığımız var. Talış cəmiyyətinin tədbirlərində, dəvət edilməsinə baxmayaraq, heç baxt iştirak etməyib. Bir gün mənə zəng etdi. Talışca danışdı:
- Salam. Necəsən?
- Əleyksalam. Yaxşıyam.
- Xəbərin var? Gədəbəy aşıqları gəlib şəhərimizə.
- Nə əcəb?
- Kimsə yerlilərindən onları toya dəvət ediblər. İndi də istəyirlər bir-iki konsert verib bir az pul qazansınlar.
- Hə qoy qazansınlar da....
Hələ istədim bir az hallarına da acıyıb əlavə edim ki, bəs yəqin Vətəndə maddi imkanları məhduddu... filan..., sözumu kəsdi:
- Mən də istəyirəm onlara kömək edim.
- Hə elə də. Allah verən əlivi kəsməsin.
Yerli daha da həvəslə davam etdi:
- Hə, ayın filanında saat filanda kafemizdə onların konserti olacaq. Bilet 1300 rubl. Yüngülvari yemək də onun içində. Sən də dəvətlisən.
- Gələrəm, əlavə 10-15 nəfər də təşkil edə bilərəm...
- Ay sənin qadavı alım!!!
- ...amma bir şərtlə.
- Nə şərtdir o elə?
- O şərtlə gələrik ki, Gədəbəy aşıqlarının konsertindən sonra Lənkəranlı Rizvanla Leylanın konsertini də gərək keçirəsən.
- Hə... nə olar.....Onlar kimdi elə. Nədənsə onlar haqda eşitməmişəm.
- Rizvan Talış meyxanaçısı, Leyla da Talış müğənnisi.
- E... bilirsən....boli... mən belə şeylərdən uzağam.Məni belə şeylərə qatma.
- Mən sənə konsert təşkil etməyi təklif etdim. Gədəbəyli üçün təşkil edirsən, Lənkəranlı üçün niyə boyun qaçırırsan?
- Yox dəəə, bilirsəəəən, belə deyil dəəəə, axı onləəər qərək talişcəəəə oximəsonləəər dəəəə....Sən eeezun qərək başə duşəsən dəəə.....
Gördüm bu hələ mənə ağıl dərsi keçmək fikrindədir, ona görə sözünü kəsdim:
- Sən əlnən 1300 yox, 13000 də mənə versən ora gəlməyəcəyəm.
Sonralar eşitdim ki, o konsertdən sonra başqa bir gülbeçə talış oğlunun sünnət toyuna həmin aşıqları dəvət etmək fikrində olduğunu deyib."
İndi mən də oturub fikirləşirəm; qozun ləpəsi qozdur. Qabığı qoz deyil. Biz də talışların sayı haqda danışanda "lesı"ni götürək, bu cür qabıqlarımızı ataq getsin ki, aramızı zibilləməsinlər. Bizə kəmiyyət yox, keyfiyyət lazımdır. Az olsun, yaxşı olsun!
