Xıdo tıni rəhmət bıkə, ƏMİR ƏYYUBZODƏ! - 20 Февраля 2011 - Информационный-аналитический портал Талыш

Голос Талыша
Марьям МАММАДОВА. Трагедия одной семьи. 2013 Известные события, произошедшие с моей семьей за последние годы, всколыхнули нашу жизнь до основания.

Axtarış

Tolışi xəbon

Xıdo rəhmətkə Əli Rzayevi...

Fərzəndon

Bastari musibət (aktual hukayət)

Bə çəmə alimə zoon afərin bıbu

Aydın müəllimi de şair Xilqəti musahibə

Çı mardə odəmi nomi bə jurnali redaksiyə heyət çokonə dənəmon?

Tolışi mətbuat tarixədə tojə cən - "Aləm" jurnal çapo beşə

Xatirə ruşnədə dili söhbət (6)

Xatirə ruşnədə dili söhbət (5)

Xatirə ruşnədə dili söhbət (4)

Xatirə ruşnədə dili söhbət (3)

"KUL" sıxani mənon

Xatirə ruşnədə dıli sohbət (2)

Xatirə ruşnədə dıli sohbət

“Honi çəşmə"ro vəsə

ÇE? ÇI?

Əv kiye?

Şahmirzə Tolışəxun - 60

Tolışi talantə şair Şamirzə TOLIŞƏXUN (10.07.1955 - 18.11.2014)

Baləddin VEŞO şeronədə pencli janr

De şair Baləddin VEŞO müsahibə

Top

Talış xalqı Azərbaycanda yarımkölə şəraitində yaşayır

Новрузали Мамедов

Марьям МАММАДОВА. Трагедия одной семьи. 2013

ГИЛАЛ МАМЕДОВ на свабоде!

Talış dilinin hazırkı durumu ilə bağlı Azərbaycan Talışların İctimai Şurasının MÖVQE SƏNƏDİ

Statistika

Главная » » Xıdo tıni rəhmət bıkə, ƏMİR ƏYYUBZODƏ!

23:57 Xıdo tıni rəhmət bıkə, ƏMİR ƏYYUBZODƏ!
(Çəmə xəlqi yolə ənvışt Əmir Əyyubi zoə bə Xıdo rəhmətşə i sorinə mərasimi həsr bedə) Sə səloməti doedəmon bə çəmə Tolışə xəlqi ki, əçe mınəvvərə, nasirə, ənıvıştə zoonədə qıleyni - Məmmədov Əmir Əyyubi zoə ( Amir ) i sore ki çı dınyo şə. Əmir Əyyubzadə 1953- nə sori apreli 9-də Lankoni Zəvilə diədə moədə bıə. İminə məqoləş "Azərbaycan pioneri” rujnomədə əv yonzə sinədə beədə - 1964 - nə sori çap kardə bıə. Ponzə sinədə beədə bə yolə mərəkə səbəb bıə rujnomə "Pioner”ədə çəy "Iştə distoni umuteydəmon” nomədə nıvıştəy çap bıə . "Bandon” nomədə iminə şeirış Masali rayoni rujnomə "Çağırış”ədə 1969- - sori çap bıə. 1972 – 1973 – nə soronədə rujnomə "Ədəbiyyat və incəsənət” iyən "İdman”ədə çap kardə bıə hikoyəon, poveston iyən yumoreskon sıbut kardeşone ki, vist sinədə qıləy yolə ənıvışt – nasir omə bə ədəbiyyat. Əmir se zıvonədə - tolışi, tırki iyən urusi nıvıştedəbe ıştə əsəron. 1977 – nə sori "Ən çokə vərzeşə hikoyə " ğalib bıə.("İdman” – "Sport” rujnomə mısabiqədə). Əmiri 100 – sə bəpe hikoyə, povest iyən yumoreskə çap bıə. 2006 – nə sori "Xısus” nomədə vəzninə kitob nəşr kardəşe. Ğeyzi ımon Əmir həmən şinələfzə mıtərcimbe. Əziz Nesini (Tırkiyə), Mixail Mişini (Rusiyə) iyən çe dınyo co – co yolə satirikə ənıvışton əsəron əy bə bəştə inə zıvon peqordınyəşe. Əmir nıvıştedəbe: " Iştən ıştəku ve norozim ki, hiççi karde zınəmni boştə yolə xəlqi. Zınedənim, umr bəfo bəkardebu, yəni çiyo jıqoşə bə dınyo bomə milyon – milyonə tolışə fərzəndon bıvoton ki, "Çımı dastoən bo xəlqi çiysə omə?” ( "Tolışi sədo”, 09.2003). Səmimiə, tıvoxə insoni, pokəvonə vətəndo, məsulə sənətko etirafe ın kəlimon. Əmiri nıvıştəyon ğıymətinə xəzinən peştbəpeşt bo tolışon. Əçe ve əsəron hejo ısətən çe ve bahandon zıvoni əzbərin. "Bılbıl pəvəndiku şə”, "Bəmınən cız?”, "Xısus”, "KQB” aqent” iyən co hikoyə, povest, yumoreskon əbədən yodo benıbəşe, ıştə ofəyəkəsi – Əmir Əyyubzodəən əbədi bəjivne. Respublika Tolışi Mədəniyyət Mərkəzi, "Tolışi sədo” rujnomə koəkon, ənıvıştə həmron, duston - əmə həmməy sə səloməti doedəmon bə Əyyubzodə Əmiri xıyzoni, bə çəy əğılon, xışəvandon, həmmə nezon və votedəmon: Xıdo əy rəhmət bıkə. Əmir hiç vədə xəlqi yodədə benıbəşe. Əmir hejo dəmə bəmande!
1 2 3 4 5 Категория: Талыш xəbərləri \| Просмотров: 1400 \| Добавил: admin \| Рейтинг: 0.0/0