 Ko kardeydəm şəvo-ruj, "mex bə zəmin şeydəni”,
"Aspı konco bandı bə?” Hiçki xəbə səydəni.
Həni çıvrəy cır beşə, ğəzənc - fılon beydəni.
Puli botı bıvğandım de ki dəro, amkinə?
Cəhəndıme, cəhəndım, çımı şə ro, amkinə!
Anə "pul, pul” nıvışte, oxo mını oğande,
Bə ğarz dəşim botıno, lıski pulım vığande.
Tarsedəm ki, vardəkəs bəçe sə sığ dəğandi,
Hiç kəs ico şeydəni iyo bə ro, amkinə.
Cəhəndıme, cəhəndım, çımı şə ro, amkinə!
Xəyli pulım hestıbe, dənışeyon hiç bə yod,
Bomı iyo mardəbe, con doydəbe çan fəsot.
Konco oməy nıznəme ın merısə "bankrot”
Beşe çı dast dukonco, maşin, kə, so, amkinə.
Cəhəndıme, cəhəndım, çımı şə ro, amkinə!
Heste bıvğand bomıno, çımıku pul çəş məkə,
Iştən bəştə fik bıdə, bə hırdənon bə so, kə.
Bəhvat poynə, zandəqo; puli bomı dərokə,
Qasbi omim bə Vətən, dəşim bə ko, amkinə.
Cəhəndıme, cəhəndım, çımı şə ro, amkinə!
(hestışe dumo) |
