Əssalamun-əleykum, ey ADƏM övladları!
Xeyli vaxt idi ki, siz insanlara yaxın düşmək istəmirdim. Bir yandan havaların soyuq keçməsi, digər tərəfdən də ay canınıza daraşım, sizin qanınızı elə zəhərləniblər ki, “Dixlafosdan” bir o qədər qorxmuram, qanınızın istifadə etməyimdən daha çox qorxuram. Onu təmizləmək isə qeyri mümkündür. Odur ki, sizin qanınız mənə sərf etmir. Bu səbəbdən, sizi sancmaq fikrim də yoxdur.
Vallah baxıram sizin halınıza, güzəranınıza, xiffət məni boğur. Siz insanlar isə bu acınacaqlı yaşam tərzinizə dözürsünüz. Məmurlarınız sizi əzir, minir, təhqir edir, haqqınızı əlinizdən alır, daha başınıza hansı oyunlar açmırlar ki?
Seçki vaxtı çatır, yenə o məmurlara səs verirsiniz, onları alqışlayırsınız. Nədən bu halə düşdünüz , ay zavallılar ?
Başınızı ağrıtmaq fikrində deyiləm. Xatırladıram ki, Masallı rayonunun İHB- sı Qəzənfər Ağayevi o qədər sancdım ki, axır baş götürüb getdi.
Yox, yox, çox uzağa getmədi. Sadəcə ölkə başçısı necə deyərlər “Nağının papağını qoydu Tağının başına”. Heç kimi papaqsız da qoymadı. Yəni, Ğəzi müəllimi göndərdi Astara rayon İHB-sı, Astaranın İHB-nı urcah elədi Lənkərana. Masallıya isə o “Hürufilər” diyarı, Qafqaz “İslam mədəniyyəti mərkəzi” Bakıdan, əslən Bərdədən olan, (kiçik torpağa bağlılığı olmamış olmaz) Rafiq Hüseynovu göndərdi. Gəlib, çox xoş gəlib, onsuz da Masallı “arıq eşşəyin yaylağıdır”. Bir qədər arıq olsa da Ğəzi müəllim kimi gedənə yaxın Masallı əhli onu yaxşıca yemləyib, kökəltmələrinə heç kimdə şübhə olmasın. Belələrini az görməmişik. Keçmiş İHB-nın hansı formada gəlişi, rayonu kimlərin əli ilə talan etmələri barədə də necə demişdim, elə də oldu. Yəqin ki, yadınızdadır ki, əvvəlkilər ilk dəfə rayonla tanışlıqlarını hardan başlamışdılar.
Xatırlatmaq bir daha yerinə düşər.
Əvvəlkilər birinci dəfə Kolatan və Sığdaş kəndindən başladıqları üçün, həmin ssenari davam etdi. Yalnız fərq bu oldu ki, Kolatan İcra nümayəndəsi və Bələdiyyəçilər Rafiq müəllimin ayaqları altında qurbanlıq qoyun kəsmədilər. Bu gün, 18 aprel 2012-ci il tarixdə İHB-sı Kolatanda bəzi ictimaiyyət və məddah nümayəndələrlə görüş keçirtdi. Mən də jurnalist kimi iştirak etmək istədim ki, bəzi qeydlər edim. Lakin polislər mənə heç bir maniyə yaratmasalar da İH-nin qul-beçələri, mənim çəkiliş aparmağımı əngəllədilər. Əlbəttə ki, məddah qəzetçilərə şərait yaradılsa da məni görən kimi canlarına vahimə düşdü. Mənim çəkiliş aparmağıma imkan verilmədi. Uzaqdan yalnız İHB-sı Rafiq müəllimin xidməti maşınının şəkilini çəkə bildim. Yığıncaqda həmişəki kimi məddah və yaltaqlar başladılar “bəy tərifinə”... “Hacı “ Oğlan Cəbiyev bu dəfə yaltaqlığın son həddinə çatıb, “genes rekordlar kitabına “ düşdü. Qadınlardan Məlahət xanım Cəfərova söz alıb, təhsilin yarıtmaz olmasından, kənd ambulator xəstəxanasında bələdiyyənin yerləşdirilməsindən, yolların bərbad vəziyyətdə olmasından, kənddən bir tikə çörək dalınca RF-na ttərkivətən olan övladlarımızın kəndə qaz çəkilməsi məqsədi ilə ötən il 280 000 min ABŞ dollar göndərilıməsi və həmin pulun mənimsənilməsindən, qaz xəttinin çəkilmədiyindən danışdı. Rafiq müəllim əvvəlki məddahların çıxışlarından hayıl-mayıl olmuşdu. Məlahət xanım isə sanki onun halına soğan doğradı....
Sonra heç kimə söz verilmədi. Rafiq müəllim kənd xəstəxanasına baş çəkmək məcburiyyətində qaldı. Xəstəxanaya baş çəkəndən sonra, aidiyyəti məsul şəxslərə tapşırıq verdi ki, bələdiyyəçilər ərazi nümayəndəliyinin inzibati binasına köçürülsün. Qaz çəkilişi ilə bağlı respublikanın aidiyyəti qurumlar qarşısında məsələ qaldırmasını söz verdi. Onsuz da gözləməkdən başqa ayrı çarəmiz yoxdur, “xalqımız dözümlü xalqdır” dözərik !....
Ditdili bəy
