 "Xural” və səlibçilər...
"Xural”a səlib yürüşü davam edir, "Xural” bir Çanaqqaladır, basılmaz, keçilməz, "Xural”ı susdurmağın bir yolu var - bu "ixtıdar” ayrı-seçkiliyə son qoymalı, Azərbaycan xalqının sərvətini vətəndaşlarımız arasında düzgün bölməli, dövlət əmlakını dağıdıb, talayanları əmlakları əllərindən alınmaq şərti ilə həbs etməli, bir sözlə xalqın rifahı üçün çalışmalıdır. Onda "Xural” susar, çünkü yazmağa sözü olmaz, amma indi "Xural” Azərbaycanın Çanaqqalasıdır, dirənişin yeni formasıdır, məmur-oliqarxların kabusa dönmüş yuxusudur. Mən adım kimi əminəm, bu döyüşdən "Xural” qalib çıxacaq, çünkü bu "ixtidar” artıq səhvini anlayıb, "Xural”ın üzərinə getməkdə peşimanlıyıb, artıq başa düşüb ki, Əvəz olmasa "Xural”ı Selcan çap edəcək, Əvəzdən də sərt, Əvəzdən də kəskin! Əvəz indiyəcən olan bütün insani dirənişləri üstələdi, hətta dirənişin "dahisi” Yasir Ərafat da Əvəz kimi dirəniş etməmişdi! Əvəz, qardaşım, özündə bilmədən bir TARİX yazdın və bu tarix bu dünya durduqca duracaq, dirəniş deyəndə birinci SƏNİN adın çəkiləcək! Düzdür, sənin bu dirənişinə qısqanclıqla yanaşanlar, üstünə kölgə salmaq istəyənlər tapılacaq, amma sonunda özləri də peşiman olacaqlar, necə ki, bu "səlibçilər” peşimanlayıblar...
Mövzu bolluğu...
Mən heç vaxt mövzu kasadlığından əziyyət çəkməmişəm. Həmişə yazmağa mövzum olub, hətta bir-ikisinin cızma-qarasını da etmişəm, lazım olan faktları toplamışam ki, sonra yazıya adekvat addım atılanda sübutlar əlimdə olsun. Məsəlçün mənim "Nazirin 70 faizi”, "DYP-də qoyun əməliyyatı”, " AzSAKS ilə Renata, gedirlər ata-ata” kimi yazılarım son tamamlama işlərini gözləyir ki, həvəs tapıb (vaxtdan şikayət edə bilmərəm, çünkü vaxtım "N” qədərdir) bu yazıları bitirə bilmirəm. Özümə söz vermişdim ki, bu həvtə bu yazılardan heç olmasa birini tamamlayım, olmadı. Özüm öz yanımda növbəti dəfə yalançı çıxdım. Yalançı deyən kimi qeyri-ixtiyari adamın yadına KİV-lərdə gedən yalanlar düşür. KİV-lərdəki yalanlara fikir verməmək gərəkirsə, bu yalanların üstündən keçmək də olmur. Məsələn: Qazeta analitik informasiya mərkəzi yazır ki, güya "Dəmirbanka” işə düzəlmək istəyənlərin qarşısında Talış dilini bilmək şərt kimi qoyulur!? Belə yerdə deyəsən "yalançının...”, və ya Vüqar Bəyturan yazır ki, sən demə talışlar onu öldürməklə hədələyiblər!? Ola bilər, qəbul edirəm ki, virtualda və ya Vüqarın təxəyyülündə kimsə onu ölümlə (?) hədələsin, lap elə öıdürsün də, (ehtimal 100-də 0-ra bərabərdir, kim Vüqara görə gedib yatar ki?), bu olmayan hədəyə milli don geyindirməyin nə adı var axı? (gündəmə gəlməyin başqa yolu yoxdur?) Və ya özünü "siyasətçi” adlandıran digər bir şəxs, tam istifadə olunub qurtarmış Yunus Oğuz "Talışsansa, separatçısan” deyirsə, ona necə "banlama xoruz, sənsiz də sabah açılar” deməyəsən? Hə, keçid alıram mətləbə. Demək Azər Həsrət mənim cavabıma istəmədiyi cavabı yazıb, xub, YAP-dan aldığın qələminə qurban, "əcəp” eləmisən, hüququndur yaz sənə qurban, yaz, amma... Amması odur ki, ermənilər bir "quş” buraxırlar, adlarını sadaladıqlarım və onlarla digər "geydirmə patriotlar” (sübutum var) həmən quşu bir neçə ay tutmağa çalışırlar, tutanda da görürlər ki, sən demə tutduqları heç quş deyilmiş, quşa oxşar animasiya imiş. Ermənilər bir "sarı gəlin” ilə bizim gündəmi nə qədər məşğul etdilər? Hələ də biz "sarı gəlin” adlı elmi əsər yazırıq, amma ermənilər "Qarabağı türklərə unutduraq” adlı elmi iş aparırlar! Anlamayanlar üçün sadə dildə yazıram, ermənilər bu talış söhbətini gündəmə yalandan gətiriblər ki, Qarabağ söhbəti bir neçə ay gündəmdən çıxsın və onların Azərbaycanda olan "bacıoğulları” da bu KİV-lərə bu materialı ötürürlər ki, yuxarıda adlarını çəkdiyim "siyasətçilər” özlərinə mövzu tapıb, nə isə "bir iş " görsünlər. Anlayana bir işarə də kifayət edər, anlamayana nə qədər istəyirsən de, heç bir xeyri olmaz...
Keçid alım yazımın başlığına, Əvəzin bir dostu var, antropoloq, yəni adamın üzünə baxıb nə millət olduğunu deyir, Əvəzdən xahiş etmək istəyirəm ki, məni və yuxarıda adlarını çəkdiyim "siyasətçiləri” onun yanına aparsın, yol xərci mənlikdir, görüm bizim içimizdə sifət quruluşuna görə türklərə daha yaxın kimdir. Nə deyirsən, qardaşım Əvəz, təşkil edə bilərsən?
Rafiq Cəlilov
celilovrafiq@mail.ru
Redaksiyadan: Bu yazi "Xural" qəzetinin bugünkü sayinda işıq üzü görməli idi. Qəzet çap olunmadığından məqaləni saytımızda işıqlandırmaq qərarını verdik.
|
Turkun tarixi turkundur, azerinin tarixi deyil axi... Amma be deyirem men? Azeri de azeri deyil axi!!!