Главная » 2012»Март»3 » “Tolışon Sədo” qəzetinin növbəti sayı satışda
18:53
“Tolışon Sədo” qəzetinin növbəti sayı satışda
TALISH.ORG xəbər verir ki, bu gün "Tolışon Sədo” qəzetinin 07 (19)-ci sayı işıq üzü görüb.
Qəzetdə bir sıra maraqlı yazılar, materiallar diqqəti cəlb edir. İlk olaraq professor Əbülfəz Rəcəbovun kitabından seçilmiş "Talışlar” məqaləsi maraq kəsb edir. Ə.Rəcəbov Talışların qədim tarixini faktlarla sübut edərək, bunu öz məqaləsində qeyd edir.
Baş redaktor Rafiq Cəlilovun "Yaşasın Şeytan?” məqaləsi, əsasən "Üç nöqtə” qəzetində sifarişli verilmiş yazıya cavab xarakterli olsa da, qəzetin bəzi kənar yazarlarına edilən təzyiqləri də özündə ehtiva edir.
Bundan əlavə qəzetdə "Talış generalı Mir Kazım bəy Talışxanov” (müəllif R.Xansuvarov), "Pıə Seyidi ocəğ” (müəllif Camal Lələzoə), "Sinəş dardi lonə” (müəllif A.Bayrami), "Quran” və "İncil” kitablarının Talışcaya tərcüməsi, bir sıra digər maraqlı yazılar, şeirlər, qəzəllər, RTMM-nin Xanəli Tolışın 72 illik yubileyinə ünvanlanmış təbriki və satirik şeirlər yer almışdır.
Qəzetin PDF formatını komputerinizə yukləmədən saytımızın sağ (3-ci) sutununda verilen "Tolışon Sədo" bölümündə və yaxud da kompüterinizə buradanyükləməklə oxuya bilərsiniz.
