"Tolışon Sədo” qəzetinin növbəti, 09 iyun tarixli 21 (33)-cü sayı işıq üzü görüb. Qəzetdəki bəzi məqalələrin qısa xülasəsini veririk.
Belə ki, qəzetin üz səhifəsində görkəmli talış şairləri Talıbi Şahan Sasaninin və Rza Musayevin ad günlərinə həsr edilmiş təbrik yazıları, 2-ci səhifədə Talış xanlığının tarixini əxz edən "Əxbərnamə” əsərindən növbəti bir hissə, 3-cü səhifədə baş redaktor R.Cəlilovun "Milyonçu Rokfeller” adlı müəllif yazısı, 4-cü səhifədə A.Bayraminin Rza Musayevə həsr etdiyi "Ustodon ustod şair Rza Musayev” yazısı və talış dilində aforizmlər, 5-ci səhifədə İradə Məlikovanın tərcümə etdiyi "Ofəyəmon” kitabından növbəti bir hissə, Talış Ağsaqqallar Şurasının müraciəti və filoloq-şair Talıbi Şahanın şerləri, 6-ci səhifədə "Tolışi Sədo” qəzetinin mərhum baş redaktoru ustad Novruzəli Məmmədovun MTN-nin təcridxanasında yazdığı məlumat-məktubu və Camal Lələzoənın "Çəmə di əhvoloton” silsiləsindən novbəti lətifələr, 7-ci səhifədə Əşrəfi Sərxanın mərhum Məmmədhüseyn Əliyevə həsr etdiyi "Dağlar oğlu” yazısının ikinci, sonuncu hissəsi, 8-ci səhifədə xalqımızın böyük oğlu, ziyalısı və mütəfəkkiri Zülfüqar Əhmədzadənin Anım gününə həsr edilmiş yazı və bu böyük insana şairlərimizin həsr etdikləri çoxsaylı şerlərdən ikisini, həmçinin Talış dilində növbəti bir krossvord dərc edilmişdir.
Qəzetin PDF formatını komputerinizə yukləmədən saytımızın sağ (3-ci) sutununda verilen "Tolışon Sədo" bölümündə və yaxud da kompüterinizə buradan yükləməklə oxuya bilərsiniz.
