"ТалышИнфо"nun iki yaşı tamam olur. İki ildir ki, bu agentlik təmənnasız olaraq bizlərimizin ixtiyarındadır. Bir il bundan əvvəl özünün ilk yaşı münasibəti ilə "ТалышИнфо"nun yazdıqları indi də aktualdır və günümüzlə həmahəmg səslənir. Həmkarlarımızın ad günündə biz onlara onların gözü ilə baxmaq istədik və özləri barədə bir il bundan əqdəm yazdıqlarını olduğu kimi işıqlandırmağı qərara aldıq. Öz fəaliyyətinin ikinci ilində "ТалышИнфо"nun öz prinsiplərinə nə qədər sadiq olduğuna bir daha şahid olmaq üçün::
Duz bir il bundan əvvəl ilk 3 xəbərimizlə oxucuların huzuruna gəldik. Saatlar, günlər, aylar çox sürətlə keçdi, bu gün bir yaşımız tamamdır.
Bu bir ildə xəbər verdik və yaydıq. Hər şeydən əvvəl çalışdıq ki, Talışımızdan xəbər verək. Hər vasitə ilə susdurulan Talışdan. Hər vəclə unutdurulan Talışdan. Assimilyasiyası (əslində bu sözün qarşılığı kimi "haramzadələşməsi”) qolu zorlu dairələrin marağında olan Talışdan. Məsum ziyalısı həbsxanada öldürülən Talışdan.
Xəbər verdik və yaydıq. Bu xəbərlərin düzümündə olan şad xəbərlərə sevindik və onu oxucularımızla bölüşməklə sevincimiz çoxaldı, sevincimiz çoxalmaqla sabahkı günə ümidlərimiz artdı. Təəssüf ki, xəbər sırasında verəcəyimiz vaxt göz yaşlarımızı saxlaya bilmədiyimiz bəd xəbərlər də yer aldı. Yenə oxucularımız köməyə gələrək dərdimizi bölüşdü. Boyük Novruzəli müəllimin Bakı həbsxanasında şəhid olma xəbərini böyük ürək ağrısı ilə yaydıq...
Bu bir ildə hadisələrin təhlilini verməyə çalışdıq. Talışın başına gətirilən bəlaların, onun bir millət olaraq bu güngü vəziyyətinin səbəblərinin analizini verməyə cəhd etdik, onun özünü unutması üçün, bir xalq olaraq sıradan çıxması ilə bağlı məkrli planların ortada olmasını dedik. Bizi daha nələrin gözləməsi ila baglı proqnozlarla çıxış etdik.
Bu bir ildə biz həm də gostərdik. Yerləşdirdiyimiz video roliklərlə Talışın ziyalısı öz ana dilində xalqı ilə danışdı, ona müraciət etdi, dərdlərini dilə gətirdi.
Bu bir ildə biz tarix yazdıq. Biz tək bu ilin tarixini deyil, həm də imkan daxilində keçmişə - Talışın tarixinin ayrı-ayrı dövrlərində baş verən hadisələrə diqqət verdik, tariximizi saxtalaşdırmaq istəyində olanların iç üzlərini açmağa səy etdik.
Bu bir ildə biz bir yol keçdik. Bu yolda sıralandıq, təkamül etdik, eyni zamanda hər növbəti gündə yeni bir şey öyrəndik və tətbiq etdik.
Bu bir ildə bizə əsassız yerə hücüm edənlər də oldu, haqq işimizə səs verənlər də. Bizə dodaq büzənlər də oldu, bizə istinad edənlər də. Bizi tənqid edənlər də oldu, bizi tərif edənlər də…
Bu bir ildə oxucularımızın sayı günbəgün artdı.
Bütün bunlar «ТалышИнфо» olaraq bizim haqq yolunda olmağımızın göstəriciləridir. Yolumuz haqq, məqsədimiz saf və müqəddəsdir. Belə yolun yolçusu olmağa dəyər.
Həyat davam edir…
İki yaşın mübarək əziz "ТалышИнфо". TALİSH.ORG-un butun yaradıcı heyəti və oxucuları adindan Sizləri tabrik edir, Sizə bu çətin, amma tarixi və şərəfli işdə yeni-yeni yaradıcılıq uğurları arzulayiriq.
