Главная » 2013»Март»27 » "Talışstanın Səsi" radiosuna görə günahkar Azərbaycan hakimiyyətidir
23:52
"Talışstanın Səsi" radiosuna görə günahkar Azərbaycan hakimiyyətidir
Məlum olduğu kimi martın 21-dən ermənilər "Talışstanın səsi" adlı radioyla gündə bir neçə saat talış dilində xəbərlər və digər mənəvi, milli proqramlar yayımlayır. Bu ölkəmizdə, o cümlədən talışlar arasında birmənalı qarşılanmayıb.
Əvvəla, faktiki olaraq Ermənistan, yaxud Ermənistanın işğal etdiyi Azərbaycan torpaqlarında talışlar yaşamır. İlk baxışdan bunun bir məkrli addım olduğunu anlayırıq. Digər tərəfdən, Azərbaycan rejimi tərəfindən talış alimi Novruzəli Məmmədovun qətli və "Tolışi Sədo" (Talışın səsi) qəzetinin sonrakı baş redaktoru Hilal Məmmədovun qanunsuz həbsi talışlari bu zülmə qarşı haqq səsini qaldırmağa vadar etmişdir. Onu da yaxşı başa düşürük ki, ermənilərin bu məkrli addımı biz talışları sevərəkdən yox, talışların Azərbaycan hökümətinə olan etimadi tamamən üzmək məqsədilə atılmışdır.
Qanunlarımızda təsbit olunduğu kimi hər kəsin öz ana dilində sərbəst fəaliyyəti təmin edilməlidir. Təəssuf ki, biz dövlətimizdən bu qayğıni görmürük. Yaxın keçmişdə "Araz" radiosuyla talış dilində 15 dəqiqəlik proqram yayımlanırdi. Sonralar bu dayandırıldı, hətta bunu tələb etmək qeyri-rəsmi olaraq cinayət hesab edildi. Şəhid Novruzəli Məmmədovun cinayət işində bir bənd də məhz onun İctimai televiziya rəhbərliyinə Talış dilində proqram saatlarının yayımlanmasi ilə əlaqədar muraciəti idi.
Hesab edirik ki, Ermənistanin yayimladığı "Talışstanın səsi" radiosu Azərbaycanın buraxdığı nöqsandır, boşluqdur, düşmən ölkə də məhz bu situasiyadan məharətlə istifadə edir. Neçə illər idi biz ana dilimizdə doğma Azərbaycanımızda beşcə dəqiqəlik bir talışca xəbər proqramına həsrət qalmışdıq. Lap elə Şüşaya həsrət qaldığımız kimi. Nəhayət ki, Azərbaycanda talış dili radiodan da eşidildi. Amma təəssüflər ki, işğal edilmiş 20 faiz torpaqlarımızdan. Umud edirik ki, hakimiyyət az saylı xalqlara qarşı tutduğu mövqeyinin yanlış olduğunu anlayacaq, "Tarixən biz qardaşlıq şəraitində yaşamışıq" şüarı ilə siyasi alver deyil, sözdən əməli işə keçmək naminə real və ədalətli addımlar atacaqdır. Mirfayaz Likməkani, Azəri - Talış Birliyinin Gənclər Təşkilatının Sədri
