Главная » 2011»Октябрь»8 » Talış batalyonları Qarabağ müharibəsində (Sənədli kadrlar internetdə)
22:22
Talış batalyonları Qarabağ müharibəsində (Sənədli kadrlar internetdə)
Əziz oxucu, 20 ildir ki, Əliyev rejimi "talışdan separatçı düzəltmək” ətrafında dönmədən təbliğat aparır, talışın bir millət olaraq özünü tanımasını, öz tarixinə, dilinə, mədəniyyətinə yiyə durmaq istəyini "separatçılıq” kimi təqdim edir. Bundan ötrü "MTN” adlanan bir strukturun böyük bir bölümü bu istiqmətdə gecə-gündüz ağlasığmaz şeylər uydurur. Xalqımızın ziyalıları barədə informasiya toplanılır, onlar nəzarətə götürülür, barələrində xususi dosyelər hazırlanır, xəfiyyə sistemi tərəfindən izlənilir, telefonları dinlənilir, vətəndən didərgin salınır, həbsxanalara salınaraq olmazın işgəncələrə məruz qoyulur, öldürülür, həmtanışlar bir-biriləri barədə danos verməyə, bir-birilərinin üzünə durmağa məcbur edilir..., bir sözlə rəsmi Bakı kimsənin özünü talış hiss etmək istəyi ilə total müharibə aparır.
Sirr deyil ki, bütün bunlar Azərbaycan uğrunda talışların dönmədən çalışması, özünün əti, qanı, əməyi ilə bütün sahələr üzrə Azərbaycana dönmədən töhfələr verməsi şəraitində baş verir. Belə olan halda bütün bunların səbəbləri və belə paradoksal situasiyanın nə qədər davam edəcəyi ilə bağlı çoxlu suallar meydana çıxır...
Bu günlərdə internetin "youtube” şəbəkəsində yayımlanan sənədli kadrlar bizi bir daha qeyd edilən mövzü ətrafında düşünməyə vadar edir. Məlumdur ki, Azərbaycanın ərazi bütövlüyü ilə bağlı məsələ gündəmə gələn kimi talışlar məhz ilk sıralarda özlərini könüllü olaraq ön cəbhəyə atdılar. Dediyimizin nəticəsi olaraq bu gün Talışda elə bir hətta kənd qəbristanlığı yoxdur ki, oranı Qarabağ müharibəsinin şəhidi qəbri bəzəməsin. Təqdim etdiyimiz kadırlarda gördüyümüz igidlərin çoxu bu gün həyatda yoxdur. Onların çox hissəsi könüllü və şüurlu olaraq Azərbaycanın ərazi bütövlüyü uğrunda özlərini fəda etdilər. Bu gün onların başsiz qalmış ailələrinin əksəriyyətinin bir qarın çörək puluna möhtacı vardır. Və bundan da dəhşətlisi onların təsadüfən sağ qalmış döyüş yoldaşlarının sonralar uzun müddətə separatçılıq ittihamı ilə həbsxanalarda çəza çəkməsi və vətəndən didərgin düşmələrdir.
Sənədli kadırlarla bağlı Garabağ müharibəsinin Rembo adı ilə tanınan əfsanəvi qəhrəmanı Elxan Əlibəylinin dediklərindən:
1992-ci ilin iyul ayı idi. AR Müdafiə Nazirinin müaveni General Vahid Musayev (o da əslən talış idi) Lənkərana gəldi və bu ərəfədə Lənkəranda könüllü olaraq toplaşmış və cəbhə üçün hazırlıq dönəmi bitməmiş batalyonun Tərtərin vəziyyətinin ağır olduğunu səbəb göstərərək müharibəyə yola saldi. 376 nəfərlik canlı qüvvəni 10 ədəd "t80” tanki, 12 ədəd BMP-1 və BMP-2 döyüş texnikası, 6 ədəd "125 mm” top, 40 ədəd MTLB zirehli döyüş maşını, 6 ədəd "125 mm” minaatan, mərmi dolu 12 ədəd "Ural”, 5 ədəd "qaz-6” və 2 ədəd "UAZ” Fəxrəddin Həbibovun başçılığı ile Port-iliç qəsəbəsindən (indiki Liman şıhəri) Bərdəyə yola düşdü. Döyuşçülərin hamısı SSRİ dönəmində ya Əvqanıstanda, ya da xüsusi təyinatlı qüvvələrdə xidmət keçmişdilər. Bizi Bərdədə zamanın müdafiə naziri Rəhim Qaziyevlə zamanın daxili işlər naziri Isgəndər Həmidov qarşıladı. Fəxrəddin Həbibovun vaxtı olmadığından onların gəbuluna mən getdim. Xatırımdadır, o vaxt Rəhim Qazıyev dedi ki, Azərbaycanın ilk qvardiya adı bizim batalyona veriləcəkdir. Biz Tərtərə girənde demek olar ki, Tərtər boşalırdı. Biz Tərtərin icində elektrik idarəsinin həyətində toplaşdıq ve dərhal da Marguşavana (indiki Şəhriyar qəsəbəsi) getməyə hazırlaşmağa başladıq. Gece ile Marguşavanda döyüş mövqeyi aldıq və rotalara bölündük. İlk gecədəcə ilk şəhidimizi verdik ve bir əsgərimiz yaralandı. Talış batalyonu dedim amma Talış burada da bizdən yan kecmədi. Üç gün sonra Həsəngaya və Taliş kəndləri istiqamətində döyüşlərə başladıq. Döyüşdə tank rotasinin komandiri Həzi adlandırdığımız baş leytenant lerikli Arzuman yaralandi ve üç şəhid verdik. Onlardan biri Girdəni kəndindən olan Elsevər adlı döyüşçü idi.
Həftənin 7 günü 7 dəfə döyüşə girən batalynun demək olar ki, üçdə biri şəhid oldu. Lənkəran, Astara, Lerik, Masallı, Yardımlı ve Cəlilabadda demek olardi ki, her evə qara bağlanmışdı, hər kəsin ya qohumu ya qardaşı şəhid idi. Qısa bir zamandan sonra döyüşə-döyüşə Kasapet dağına gedib çıxdıq. Briqada komandanın əmrilə əhəmiyyətli strateji mövqeyə malik dağa eyni vaxtda iki batalyon hucum etməli idi. Batalyonumuzla bərabər həlledici döyüşdə AR milli qəhrəmanı Şahin Tağıyevin komandirlik etdiyi "Qurtuluş" batalyonu da iştirak etməli idi. Təəssüf ki, bilmədiyimiz səbəblərdən həmin batalyon bizi ermənilərin qüvvələrilə müqayisədə bərabər olmayan döyüşdə tək saxladı. Mən döyüş ərəfəsində Medşen kəndi ətrafında mövqe tutan "Qurtuluş" batalyonun komandiri ilə görüşdüm və bizim çox itki verdiyimizi, vəziyyətin ağır olduğunu izah edərək, eyni vaxtda onların döyüşə girmələrini tələb etdim. O isə başqa əmr aldığını və təcili Dronbona getməli olduğunu bildirdi. Baxmayaraq ki, həmən ərəfədə Dronbona gedən yol yalnız Kasapetdən keçə bilərdi. Bu məsələ ilə bağlı mənim Şahin Tağıyevlə hətta müharibədən sonra da mübahisələrim olub. Jurnalist Elman Mustafazadənin vasitəçiliyi ilə Amsterdam şəhərində 2005-ci ildə Şahin Tağıyevlə baş tutan görüşümdə həmən faktı mən bir daha xatırlatdım və məntiqi cavab ala bilmədim.
Biz Kasapet dağı uğrunda iki dəfə döyüşə girdik. Birinci döyüşdə 17 şəhid verdik. Xeyli qüvvə itirməyimizə baxmayaraq qisa fasilədən sonra - dörd gündən sonra ikinci döyüşə girdik. Bu müddət ərzində Lənkərandan əlavə qüvvə gəldi. Bu dəfə biz dağı bütünlüklə ələ geçirtdik və bir şəhid verdik. O da batalyon komandirimiz Fəxrəddin Həbibov idi. Onu tezliklə Cəmil Hacıyev əvəz etdi. Kasapet döyüşündən 3 gün sonra "7 gun” gəzetinin redaktoru Emin Eminbəyli gəlib bu filmi cəkdi.
Tərtər briqadasının komandiri indiki "genştab” Nəcməddin Sadıxov tərəfindən AR Prezidentinə Fəxrəddin Həbibova ölümündən sonra Azərbaycanın Milli Qəhrəmanı adının verilməsi ilə bağlı təqdimat verildi, lakin indiyə kimi ona bu ad verilməmişdir.
