Bu gün bəzi kütləvi informasiya vasitələrində bir xəbərlə rastlaşdım: Hilal Məmmədov Əlikram Hümmətovun sağ əlidir.
Dərhal bu xəbəri oxumağa başladım. Xəbərdə deyilir: "Hilal Məmmədov Əlikram Hümmətovun sağ əlidir. "Tolişi sədo” qəzetinin təsisçisi və baş redaktoru, hazırda dövlətə xəyanət və digər ağır ittihamlarla həbsdə olan Hilal Məmmədovun sensasiyalı videogörüntüləri yayılıb. Youtube.com videopaylaşım saytında yayımlanan 58 dəqiqəlik kadrlar qondarma "Talış-Muğan Respublikasının” təsis yığıncağındandır. Bu yığıncaqda Hilal Məmmədov sədarətdə - Ələkram Hümbətovun solunda əyləşib”. Sonra da 58 dəqiqəlik bir videoya baxdım.
Gəl gör ki, bu videoda heç də söhbət Azərbaycanı bölməkdən və yaxud Talışları ayırıb, müstəqil dövlət yaratmaqdan getmir. Sadəcə burda söhbət Talış Muğan Muxtar Respublikasından, bir xalqın mənəvi haqqı olan muxtariyyatın elan olunmasından gedir. Yaxşı, belə olan halda niyə Azərbaycanda özünü demokratik xəbər yaymaqla "məşhurlaşdıran” bu kütləvi informasiya vasitələri bunu "separatçılıq” kimi, Hilal Məmmədovu, sədarətdə oturduğuna görə Əlikram Hümmətovun "sağ əli” kimi təqdim edirlər? Məqsəd nədir? Hamımızın bildiyi kimi Hilal Məmmədov 1993-cü ildə Azərbaycan Xalqlarının Bərabərlik Partiyasının sədri idi və onun sədarətdə oturması təbii bir prosses idi, 1993-cü il hadisələrinin ictimaiyyətə düzgün təqdim edilməməsinin acı nəticəsini indi də talış xalqı yaşayır, Hilal Məmmədov isə bu hadisələrin acısını çəkənlərdən biri kimi 12 il mühacirətdə yaşadı, vətənə döndü və 2012-ci ildə qondarma ittihamlarnan həbs olundu və hal-hazırda məhkəməsi çoxlu qanunsuzluqlarnan davam edir. Düzdü, məhkəmə qapalı olsa da, məhkəmənin gedişatı ilə bağlı ictimayət daima məlumatlandırılır. Artıq bütün ictimayət məhkəmənin tamamilə saxta olduğunu bilir.
Bundan, əlbətdə ki, hakimiyyət təşvişə düşüb. Əlbətdə ki, bu vəziyyətdə başqa varianta əl atılmalıdır və bunu etdilər də. 1993-cü ildə elan olunmuş Talış-Muğan Muxtar Respublikasının Xalq Məclisinin toplantısındakı video-materialı Talış-Muğan Respublikası kimi ictimaiyyətə təqdim etdilər. Talışların mənəvi haqqı olan muxtariyyatı müstəqil Respublika ilə əvəz etdilər. Burda qeyd etdiyim kimi məqsəd bəllidir. Hilal Məmmədovun cinayət işindəki "vətənə xəyanət” maddəsini və "milli –irqi ayrı seçkilik” maddəsini öz aləmlərində subuta yetirməkdir.
Amma çox maraqlıdır ki, demokratiyadan car çəkən kütləvi informasiya vasitələri niyə bü cür addıma əl atır və niyə bu çirkin əməllərə onlar da "şərik” olurlar? Burdan belə nəticə çıxır: demokratiyadan car çəkən bu kütləvi informasiya vasitələri sadəcə adda demokratikdirlər, əməldə isə onlar "aidiyyatı qurumların peşkaları” rolunu məharətlə "oynayırlar” Sübutmu? Buyurun: Aidiyyatı qurumlar iddia edirlər ki, Hilal Məmmədov "Tolışi Sədo” qəzetinin təsisçisi və baş redaktorudur, Respublika Talış Mədəniyyət Mərkəzinin sədridir. Bildiyimiz kimi, "Tolışi Sədo” qəzetinin təsisçisi mərhum Novruzəli Məmmədovdur, Novruzəli Məmmədov həm də Talış Mədəniyyət Mərkəzinin sədri olub, bunu çox gözəl bilən bu "demokratik saytlar” öz amplualarındadırlar, onlar sifarişi olduğu kimi, tutuquşu məharəti ilə təkrarlamaqdan belə çəkinmirlər. Əgər Hilal Məmmədova şər atmaqla balalarınızın qarnını doyuzdura bilirsizsə, onda işinizdə olun, ürəyi geniş olan Hilal Məmmədov bunu sizə bağışlayar, necə ki, bunu hakimlərə, müstəntiqlərə bağışladı. Təki qarnınız tox, üzünüz "yiyənizin” yanıda qara olmasın.
Azər Lerikli Talış,
http://xalqxeber.az/
