Главная » 2012»Август»31 » Talış Ağsaqqallar Şurası Azərbaycan Respublikasının rəsmilərinə müraciət ünvanlayıb
12:36
Talış Ağsaqqallar Şurası Azərbaycan Respublikasının rəsmilərinə müraciət ünvanlayıb
Talış Ağsaqqallar Şurası Azərbaycan Respublikasının Prezidenti İlham Əiiyevə, surətləri Baş prokuror Zakir Qaralova, Milli Təhlükəsizlik naziri Eldar Mahmudova, Daxili İşlər naziri Ramil Usubova olmaqla müraciət ünvanlayıb. Müraciətdə deyilir:
"Möhtərəm Prezident! Siz, Azərbaycan Respublikasının Qanunlarının alilyinin qarantısınız. Talış Ağsaqqallar Şurası olaraq Sizlərə müraciət etməkdə məqsədimiz hüquq-mühafizə orqanlarının bəzi əməkdaşlarının qanundankənar, qanun etikasina zidd, özfəaliyyət prinsipləri ilə vətəndaşlara, o cümlədən Talış kökənli ictimai xadimlərə, ədəbiyyat, elm və mədəniyyət sahələrində çalışan insanlara, sıravi vətəndaşlara münasibətləridir. Belə ki, bəzi hüquq-mühafizə işçiləri vətəndaşlara qayğı və etimad yaratma üsullarını bir kənara atmaqla, onlarda xof, qorxu yaratma üsullarından amiranə qaydada istifadə edirlər. Vətəndaşlar heç bir çağırış, izahat verici bildiriş və səbəb göstərilmədən, rəsmiləşdirilmiş qaydada dəqiq görüş vaxtı təyin edilmədən hüquq-mühafizə orqanlarına cağırılırlar ki, bu da Əsas Qanunun – Konstitusiyanın və digər hüquqi Aktların müvafiq müddəalarının kobud pozulması olmaqla yanaşı, Azərbaycan vətəndaşlarında hüquq-mühafizə orqanlarına etimadın itməsinə gətirib çıxardır.
Talış Ağsaqqallar Şurası olaraq son aylarda vətəndaşlara münasibətdə göstərilən bu cür halların davamlı şəkildə artması barədə kifayət qədər məlumatlar almışıq və bu cür halları hüquq-mühafizə orqanlarının insan haqlarına hörmətsizlik saymaqla, Azərbaycanın demokratik imicinə böyük zərbəsi kimi qiymətləndiririk və təkidli qaydada Sizdən xahiş edirik: hüquq-mühafizə orqanları işçilərinin vətəndaşlara qarşı bu cür qeyri-qanuni hərəkətlərinə son qoyulsun, onların hüquq-mühafizə orqanlarına çağırışları mövcud Qanunvericiliklə nəzərdə tutulmuş qaydada, rəsmi bildiriş-çağırışla həyata keçirilsin".
Müraciətin tam mətni ilə "Tolişon Sədo" qəzetinin bu günkü sayında tanış olmaq olar.
