 Mən öləndən sonra qəbrimin üstünə çox zir-zibil gətirəcəklər, amma vaxt gələcək onu süpürəcəklər.
Mən heç vaxt əsl inqilabçı olmamışam, bütün həyatım yəhudi burjuasının başçılığı altında yeni dünya düzəni qurmaq istəyən sionizmlə yorulmaz mübarizədə keçib... Buna nail olmaq üçün onlar SSR-i, Rusiyanı süquta uğratmaq, İnancı məhv eləmək, rus xalqının səltənətini öz milliyyətindən xəbərsiz kosmopolitlərə çevirmək istəyir.
Onların planlarına ancaq İmperiya qarşı qoya bilər. İmperiya olmasa, Rusiya da, Dünya da məhv olacaq. Utopiyaya son qoymaq lazımdır. Monarxiyadan yaxşı heç bir dövlət quruluşu tapmaq mümkün deyil, deməli heç lazım da deyil. Mən həmişə rus çarlarının dahiliyi və böyüklüyü qarşısına baş əymişəm.
Hakımi-mütləqlə heç yana çıxmaq mümkün deyil. Ancaq gərək diktator gərək hökmdarla əvəz olunsun. Zamanı gələndə. Yer üzündə hamınızın bir yerdə ola biləcəyiniz yeganə yer Rusiyadır. İslahatlar qaçılmazdır, amma öz vaxtında. Və bu mənəvi, inqilabi, ənənələrə söykənən, Pravoslav özünüdərkin tədricən bərpası prinsiplərinə söykənən islahatlar olmalıdır. Onların əsasında isə realizm və sağlam düşüncə dayanır.
Tezliklə torpaq parçaları uğrunda müharibə, resurlslar və enerji uğrunda "soyuq” müharibə ilə əvəz olunacaq. Buna hazır olmaq lazımdır. Yeni növ enerjiyə yiyələnmək bizim alimlərimizə üçün ən mühüm sahə olmalıdır. Onların uğuru bizim gələcək azadlığımızın qarantıdır. Ordu ancaq xalqın və hökümətin sevgisi ilə əhatə olunanda güclü ola bilər. Ordunun böyük mənəvi gücü də məhz bundadır. Ordunu sevmək və ona qayğı göstərmək lazımdır!
Mən tək başınayam. Rusiya çox böyük ölkədir, ətrafda isə bir nəfər də düz-əməlli adam yoxdur... Yaşlı nəsil xirtdəyəcən sionizmə yoluxublar, bütün ümidlərimiz gənclərədir. İnternasional qüvvələrə qarşı yeni səlib yürüşü elan etmək vaxtıdır, bu yürüşə isə ancaq yeni Rus Ordeni başçılıq edəcək. Bir an öncə onu yaratmalıyıq. Yadda saxlayın, dünyaya güclü Rusiya lazım deyil, heç kim bizə kömək etməyəcək, ancaq öz gücümüzə arxalanmalıyıq. Mən əlimdən gələni etdim, ümidvaram siz daha çoxunu və daha yaxşısını edəcəksiniz. Böyük əjdadlarımızın xatirəsi qarşısında ləyaqətli olun.
RUS ORDENİNİN VƏZİFƏLƏRİ
- Əsas və həlledici məqam odur ki, bütün gücümüzü Böyük Rus uğrunda mübarizədə birləşdirməliyik.
- İdarəedici elitada öz kadlarımızı yaratmalıyıq.
- Vətənpərvərliyi, rus millətçiliyi ideyalarını, tarixi həqiqətləri təbliğ etməli, Pravoslavlığı qorumalıyıq.
- Rusiyaya ola biləcək mason və sionizm təsirinə qarşı mübarizə.
- Rus xalqının üstünlüyünü təmin etmək (başqa xalqlar və ya başqa dinlərə inananlar yerlərini bilməlidirlər).
- Zamanı gələndə, Rus Ordeninin Arasında "öz” Çarını seçmək.
Rus Ordeninin üzvü necə olmalıdır?
Rusçuluq ideyasına sadiq, həqiqəti sevən, uğura inanan, əməyə qarşı səbirli olan, qurban vemrəyə hazır olan, qeyrətli, məsuliyyətli, qətiyyətli, ciddi və hətta itaətə yönümlü (kim birinci olmaq istəyirsə, qoy sonuncu olsun), sağlam düşüncəsli və müdrik (çox şey bilmək deyil, çox şeyi anlamaq lazımdır), nizam-intizamlı, sirr saxlamağı bacaran. Kommunist partiyasının üzvləri sadalananları bacarmırlar. Bu partiya rus olmaqdan çıxıb artıq.
Aleksand Nevskinin Rus Ordeninə canlı orqanizm kimi, birləşdirici vasitə kimi baxmaq lazımdır. Və dünya şərinə baş qaldırmaq məqamı yetişənə qədər hər şey gizli qalmalıdır.
İosif Stalin,
yanvar-fevral, 1953-cü il
Tərcümə etdi: Namiq Hüseynli
|
