 Bizə Lik rayonunun Peştətük kənd sakini, şəhid anası Səfərova Şeydabanı Eynəli qızı müraciət edib. Müraciət edən Şeydabanı ana bildirir ki, respublikamızda şəhid ailələrinə göstərilən maddi və mənəvi dəstəkdən xəbərdar olsa da, bu dövlət dəstəyini öz ailə problemlərinin həllində nə görür, nə də bunu hiss etmir. Biz Şeydabanı ana ilə görüşüb, söhbət etmək üçün Likin Peştətük kəndində olduq. Biz Peştətük kəndinə çatanda (7 noyabr) artıq qar ətrafı tam ağartmışdı, Qurban bayramı olması münasibəti ilə Şeydabanı ananı təbrik edib, şəhid anasını narahat edən məsələləri ananın öz dilindən eşitmək üçün anaya bəzi sualları verdik ki, Şeydabanı ana bizim verdiyimiz sualları cavablandırıb, şikayətinin tam məzmununu açdı. Nədir şəhid anasını narahat edənlər? Belə baxanda şəhid anası elə də çox bir şey istəmir, biz yazaq, siz də qulaq verin...
Şəhid anası bildirdi ki, oğlu, Səfərov Arzuman Canəli oğlu 1992-ci ildə torpaqlarımızın yağı düşməndən azad edilməsi üçün könüllü olaraq Milli Ordunun sıralarına qatılır, bir sıra döyüşlərdə iştirak edir və 1993-cü ildə Füzuli rayonunun Qızılqaya adlanan ərazisində şəhid olur. Şeydabanı ana bu hadisəni belə nəql edir: "Hamının balası öldü, mənim də balam öldü, bilirəm ki, oğlum vətən yolunda şəhid olub, amma..” Amması odur ki, Şeydabanı ana öz şəhid anası statusundan yararlanmağı, ən azı özünə ayıb bilir və bundan da Lik rayonunun müvafiq qurumları "yararlanırlar”. Yox, onlar Şeydabanı ananın adı ilə manipulyasiya edib, nəyi isə mənimsəmirlər, sadəcə şəhid anasına etməli olduqları diqqəti "atıblar” bir kənara, öz işləri ilə məşğuldurlar. Şeydabanı ananın isə problemi odur ki, o tikdirdiyi evi tamamlayıb, ora köçə bilmir, Lik RİH-nin müvafiq qurumları isə şəhid anasına köməklik etmək əvəzinə, "oğlanların niyə tikib, qurtarmırlar ki?” sualını verirlər. Şeydabanı ana sanki Lik məmurlarına cavab verirmiş kimi "oğlanlarımın yaşayışı budur da, hərəsi bir tökülmüş otaqda qalır, hərəsinin də 3 övladı var, iş də yoxdur, nə ilə tikib qurtarsınlar ki?” cümlələri ilə deyindi də. Təbii ki, oğlunu vətən yolunda qurban verən ananın elə vətəndən də köməklik istəməyə haqqı çatır və Şeydabanı ana, yəqin ki, nə vaxtsa bu hüququndan istifadə də edə biləcək...
Şeydabanı ana öz problemlərini həll etmək üçün Azərbaycan Respublikasının Prezidentinə müraciət də edib, lakin həmən müraciət baxılması üçün Lik RİH-nə göndərilib ki, Şeydabanı anaya hələ də müsbət yöndə cavab verilməyib. Axı nə böyük işdir bir şəhid ailəsini, bir şəhid anasını tamamlanmasını gözləyən evə köçürüb, onu sevindirmək? Bəlkə Lik rayonuna bu məqsədlə pul ayrılmır? Inandırıcı deyil, çünkü dövlət başçısı hər bir çıxışında "biz şəhid ailələrini hər cür qayğı ilə əhatə edirik” deyir. Bəlkə Prezidentin dediyi bu cümlənin Lerik əhalisinə heç bir aidiyyatı yoxdur? Hər halda çox maraqlı mövzudur ki, biz bu mövzunu daima diqqət mərkəzində saxlayacağıq. Hə, yeri gəlmişkən, bizim qəzet Lik və Yardımlı rayonlarında yayınlanmadığı üçün, biz qəzetin bir nüsxəsini Likin hörmətli icra başçısına göndərəcəyik ki, ölçü götürsünlər, yox, əgər ölçü götürülməzsə, biz qəzet olaraq Prezident cənablarına müraciət etmək məcburiyyətində qalacaıq.
İ.S. Likdə çoxlu qar yağdığı, həm də bayram günləri olduğu üçün biz aidiyyatı qurumların, o cümlədən İcra başçısının mövqeyini öyrənə bilmədik, amma onu dəqiq bildik ki, Lik RİH-ti Qurban bayramı münasibəti ilə Peştətük kəndində yaşayan şəhid anası Şeydabanı ananı bayram münasibəti ilə təbrik etməyib, yəqin Lik RİH-ndə Qurban əti kəsilməyib...
Şikayət və Məktublar şöbəsi,
Tolışon Sədo, №07, 18.11.2011
|
