Azərbaycanın cənnət guşəsi, Talış mahalının paytaxtı sayılan Lankona baxdıqca, göz oxşayan yaraşıqlı binaların arxa fonundakı eybəcərliklər ümumilikdə bölgənin "geopolitik mənzərəsinin” kökündən dəyişdirilməsinə yönəlik siyasətin məkirli olması hər bir talışı düşünməyə məcbur edir.
22 yanvar tarixi keçmiş Sovetlər Ölkəsində yaşayan Xalqlar kimi Talış milləti üçün də qürur və sevinc günüdür. Ona görə ki, iki dəfə Sovet İttifaqı Qəhrəmanı adına layiq görülən general (Şimon) Həzi Aslanovun doğum günüdür. Generalın doğum günü xatirəsi əbədiləşdirilən abidə kompleksini ziyarət etmək məqsədi ilə Talış Mədəniyyət Mərkəzinin fəalları Lankonda görüşdülər.
Generalın abidə kompleksi parkında ucaldılan əzəmətli heykəli qarşısında şəninə iftixarla xoş sözlər deyildi, ruhuna dualar oxunub, fatihə verildi.
TMM-nin fəalları qərara gəldi ki, Generalın döğulduğu doğma Qamətuk ( Gərmətük) kəndindəki abidəni də ziyarət edilsin. Bu məqsədlə Qamətuk kəndindəki abidənin önündə də gül-çiçək düzüb, Axund Əli Rzayev onun ruhuna fatihə surəsi oxudu...
Generalın kəndindəki abidə büstünün qarşısında foto şəkillər çəkəndə birdən sağdakı nəhəng və bərbad halda olan Mədəniyyət evi, soldan isə yeni tikilən bərli-bəzəkli Bələdiyyə binası mənim diqqətimi çəkdi.
Çəkilşdən sonra fəallardan xahiş etdim ki, Mədəniyyət evinə də baxaq.
Hamılıqla Mədəniyyət evinə daxil olub, mal fermasını xatırladan binanı görəndə sanki sevincimizə ağır bir kədər qatıldı (aşağıdakı şəkillər sizinlə danışsın). Uzun-uzadı yazıları az adam oxuduğunu nəzərə alıb, yazını da ixtisarla yazmağı qərara aldım.
Təbii ki, bu dərdlərdən xeyli danışdıqdan sonra Qamətuk kəndinin yaxınlığındakı Hafthoni kəndindəki çayxanada çay içmək qərarına gəldik. Çayxanaya yaxınlaşanda dağların qoynundakı nəhəng, hündür mərtəbəli binalar da diqqətimdən yayınmadı. Yol çəkənlərdən soruşdum ki, o binaları kim və nə üçün tikir?
Dedilər ki, orda "Qadınlar üçün təcridxana” inşa edilməklə, təcridxana işçiləri üçün yaşayış evləri də inşa edilir...
Çay süfrəsi arxasında bu məsələləri ətraflı müzakirə etdik...
Məndə belə fikir formalaşdı ki, deməli hakimiyyət düşünülmüş formada bu bölgədə yaşayan talışları asimiliyasiya siyasəti ilə bilərəkdən bir çox cinayətlərə sövq edib türmələr tikir. Millətin Mədəniyyət abidələrini isə dağıdır ki, cinayətkarlıq daha da vüsət alsın...
Odur ki, Lankonda hər məhlə üçün narkobaron "yetişdirilməsi” anlaşılandır. Nakotik vasitələrə qurşanan gənclərin ailə həyatı qurması hansı fəsadlara yol açmasının da məncə izahata ehtiyacı yoxdur.
Bu məsələdə qazananlar isə yalnız bölgədə rəhbər vəzifələrə göndərilən gəlmə Yeraz-Naxçıvan-Kürd mafiyası mənsubları olacaq.
Bu dərdlərə dözməyən, faydalı iş tapmayan yeni nəsil talış balaları məcburiyyət qarşısında qalıb, bir tikə çörək dalınca Rusiya Federasiyasına tərkivətən olmaq məcburiyyətində qalır.
Əziz həmvətənlər, general Həzi Aslanovun doğum günü bizi çox sevindirdi. Amma əfsuslar olsun ki, bu sevincə kədər calandı.
Mətləb Pero
Azərbaycan Jurnalistlər
Birliyinin üzvü
