Respublika Talış Mədəniyyət Mərkəzinin (RTTM) Lənkəran bölməsinin rəhbəri doktor Sabir Şindani RTMM-nin sədri Rafiq Cəlilova açıq müraciət ünvanlayıb.

Müraciət bir sıra məslələrlə bağlı maraq doğurduğundan onu qısa ixtisarla oxucularımızın nəzərinə çatdırırıq.

"RTMM-nin sədri cənab R.Cəlilova 

Hömətli cənab Cəlilov, Siz çoxdandır bizi ümid etmisiniz ki, RTMM-in Ədliyyə Nazirliyi tərəfindən qeydiyyatı barəsində şəhadətnaməsinin surətini bizə çatdıracaqsınız.

İndiyə qədər onu bizə verməmisiniz və buna görə Lənkəranda RTMM-in fəaliyyəti yerli inzibati orqanlar tərəfindən tamamilə iflic vəziyyətinə salınıb. Üzvlərimiz qeyri-qanuni fəaliyyətdə suçlandırılır, onlardan yazılı surətdə iltizam alınır. 

Lənkəran Şəhər Polis Şöbəsinin rəisi M.Hüseynov bunu RTMM-nin qeydiyyat sənədinin surətini görməyənə qədər icra strukturların sərəncamını yerinə yetirəcəyi və RTMM-nin fəaliyyatinə yol verməyəcəyi ilə izah edib. 

RTMM-nin Lənkəran şöbəsinin işində əngəlləri aradan götürmək üçün qeydiyyat şəhadətnaməsinin surətini təcili Lənkəran şöbəsinə göndərməyinizi istərdik. Biz üzvlərimizin həyatını risq altda qoymamaq üçün RTMM-nin rəsmi qeydiyyat sənədlərinin surətləri bizə çatdırılana qədər qədər onun fəaliyyətini dayandırmağa məcburuq". 

TALISH.ORG