Главная » 2012»Декабрь»30 » Rusiya Talış diasporasının rəhbərinın yeni il təbriki
23:20
Rusiya Talış diasporasının rəhbərinın yeni il təbriki
Rusiya Talış Diasporasının rəhbəri İsmail Şabanov həmvətənləri qarşıdan gələn yeni il bayramı münasibətilə təbrik edib.
Talışİnfo saytının yaydığı təbrikdə deyilir ki, 2012-ci il Talış diasporu üçün çətin və faydalı il olmuşdur. "Bərabərlər arasında bərabər olmaq hüququ uğrunda apardığımız bu mübarizə illərində biz bir çoxlarımızın həyatı bahasına başa gələn milli tanınma əldə etdik. Görünür bizim xalqımızın taleyinə belə yazılıb. Biz çoxmillətli dünyada layiqincə yaşama uğrunda xalqımızın apardığı mübarizəsinə və onun işıqlı gələcəyinə inanırıq"- deyə bayram təbrikində qeyd edilir.
Növbəti ildə diqqətin daha çox talış diaspor təşkilatlarının möhkəmləndirilməsinə yönəldiləcəyini önə çəkən təbrik müəllifi qeyd edir ki, bu yolda hələ də çoxlu gözügötürməyənlər və istəməyənlər mövcüddür. Lakin bu işdə Talışın milli dirçəlişi və onun birliyi əsas təminat olacaqdır.
Daha sonra təbrikdə deyilir: "Harada olmağımızdan asılı olmayaraq Vətənimiz üçün xeyir və sülh arzuları bizi birləşdirir. Qoy 2013-cü il bizə çiçəklənmə və rifah, hər bir Talış evinə xoşbəxtlik və bərəkət gətirsin!"
