Həcc ziyarətinin tərkib hissəsi olan Qurban bayramı (eyd-ül-Əzha) bu il noyabrın 6-7-də qeyd edilir.
Qurban bayramı islam dünyasının iki ən nüfuzlu bayramından biridir və həcc ziyarətinin tamamlanması əməlidir. Bayramın əsas ayini qurban-qoç, öküz, dəvə kəsməkdir.
Bayram İbrahim peyğəmbərin oğlu İsmayılı Allah yolunda qurban gətirməyə hazır olması əhdindən yaranıb. Bu sadiqliyə cavab olaraq Allah İbrahimə qurban kəsmək üçün iki qoç göndərib. Adətən qurban olaraq qoç, az halda isə düyə kəsilir. Bu zaman müəyyən şərtlərə riayət edilməlidir. Belə ki, qoçun ən azı 1, düyənin 2 yaşı olmalıdır. Heyvanlar sağlam, buynuzu qırılmamış, qulağı kəsilməmiş və s. olmalıdır. Qurban kəsən hər bir müsəlman əti yeddi imkansız ailəyə paylamalıdır. Bu ənənə insanlara bir-birnə yardımlaşma hissi aşılayır. Qurban bayramı xüsusi bayram namazı ilə başlayır. Bayrama namazları bütün məscidlərdə qılınır.
Əziz TALISH.ORG oxucuları, Sizi Qurban Bayramı münasibətilə ürəkdən təbrik edirik, bu mübarək gündə kəsilən qurbanların, edilən duaların ALLAH dərgahında qəbul olunmasını diləyirik.
