Ve şoyə xəbəye ki ım oxonə sorədə çəmə i poə ğeyrətmandə tolışon təşəbusi çand gıləy kirtəmetrajnə filmon, video-rolikon çəmə moə zıvonədə bə məydon beşən iyən co zıvononko bə çəmə zıvon tərcumə bedən. Əmə bə qəror omemon ki, mutəmadi formədə ım materialon bəşmə nəzə bırosnəmon.
Çəvon dılədə "Tolış, bıvot, bısır dəmə!” nominə komikə filmi de poə-poə bəşmə nəzə rosnedəmon. Im filmi çəmə milləti ğeyrətmandə zoon - Taleh Ağayev, Nicat Ağayev, Kənan Fətullayev, İlkin Hilalov, Sadiq Mirzəyev, Murad Ağayev, Elcan Ağazadə, Zaur Əliyev və co tolışon hozoşon kardə. Filmi məsləhətçion çəmə milləti məhşurə zoon - Xanəli Tolış iyən Şirəli Əlyare. Xıdo çəvon həmməko rozi bımando iyən bəvon həmməni oğoron orzu kardəmon.
