28 mart 2015-ci ildə Moskva Millətlər Evində məşhur talış şairi, ictimai-siyasi xadim, müasir talış ədəbiyyatı yaradıcılarından biri Zülfüqar Əhmədzadənin xatirəsinə həsr edililmiş tədbir keçirilib. 

Tədbiri giriş sözülə Rusiya Talış Diasporu təşkilatının rəhbəri İsmail Şabanov açmışdır. Zülfüqar Əhmədzadənin həyat və yaradıcılığı barədə Cəlal Alışov, şairin repressiya həyatının son illəri barədə isə Namik Nəsirov çıxış etmişlər. 

Talış Milli Mədəni Muxtariyyatının təmsilçisi Muruvvət Qurbanov şairin "Tolışi məhol" şerini oxumuş, hazırkı nəslin formalaşmasında Zülfüqar Əhmədzadə yaradıcılığının roluna toxunmuşdur. 

Beynəlxalq hüquq üzrə mütəxəsis Fərqiyə Lankoni kecən əsrin 30-cu illərində baş verən total represiyaların və onun Zülfüqar Əhmədzadənin həyatından da yan keçməməsinin səbəbləri və tarixi ədalətsizlizliyin acı nəticələrinin aradan qaldırılmasının vacibliyi barədə danışmışdır. 

Tədbir talış xalqının sevimli müğənnisi Leyla Tolışın çıxışı ilə başa çatmışdır. 

TALISH.ORG