Главная » 2013»Март»25 » Moskvada “Xalqlar dostluğu, futbol qardaşlığı” devizi altında turnir keçirildi
18:19
Moskvada “Xalqlar dostluğu, futbol qardaşlığı” devizi altında turnir keçirildi
Rusiyanın paytaxtı Moskva şəhərinin "Lujniki” Olimpiya İdman Kompleksində "Xalqlar dostluğu, futbol qardaşlığı” devizi altında "Futbol Novruzu” adlı mini-futbol turnirinə yekun vuruldu. 16 komandanın iştirak etdiyi turnirdə ölkəmiz iki - "Azərbaycan” və "SamElla-Talış” komandaları ilə təmsil olunurdu.
B qrupunda mübarizə aparan "Azərbaycan” komandası ilk oyunda qazaxların "Muraqer” komandasına məğlub olsa da, növbəti iki oyunda – Çernoqoriya və Krım tatarlarını təmsil edən komandalar uzərində qələbə qazanaraq turnirin final mərhələsinə vəsiqə qazanıblar. C qrupunda mübarizə aparan "SamElla-Talış” qrupda hər üç oyunda qələbə qazanaraq turnirin ¼ finalına yüksəlib.
¼ finalda "Azərbaycan” komandasının rəqibi ermənilərin "Ayduk” komandası oldu. Gərgin və kəskin mübarızə şəraitində keçən oyunda ilk qolu ermənilər vurub. Bu qoldan bir az sonra "Azərbaycan” hesabı 1:1 etdi. Buna baxmayaraq, ermənilər yenidən hesabda önə keçdilər. Oyunun son dəqiqəsində komandamız əzmlə mübarizə apararaq hesab arasındakı fərqi bərabərləşdirdi. Oyundan sonrakı penaltilər seriyasında "Azərbaycan” komandası qalıb gələrək növbəti mərhələyə yüksəldi. "SamElla-Talış” komandası ¼ finalda pamirlərin təmsilçisi "Pamir” komandası ilə qarşılaşdı. İlk hissədə qapılardan qol keçmədı. İkinci hissədə ilk qol pamirlərdən gəldi. Bir az sonra "Pamir” hesab arasındakı fərqı artırdı. Komandamız sona qədər mübarizə apararaq bu qu qollardan yalnız birinin əvəzini çıxdı və turnirdə mübarizəni dayandırdı. Yarımfinalda "Azərbaycan” "SamElla-Talış”ı turnirdən kənarlaşdıran "Pamir” ilə qarşılaşdı və bu dəfə də pamirlər bizdən üstün oldular. Oyunun əsas hissəsi qolsuz keçsə də, penaltilər seriyasında "Pamir” qələbə qazanaraq finala yüksəldi. Finalda "Pamir” Serbiya səfirliyinin komandasını böyük hesabla məğlub edərək kuboka sahib oldu. Turnirdə üçüncü yür uğrunda "Azərbaycan” Ukrayna təmsilçisini 2-1 hesabı ilə məğlub edərək turnirin bürünc mükafatını qazandı.
Turnirdə bütün iştirakçılara iştiraka görə diplomlar və hədiyyələr , qalıblərə isə kubok, medal, diplom və hədiyyələr verildi.
