ƏLİ NASİR - 60
Mehdibəy Səfərov şair Əli Nasiri ziyarət edib. O, özünün facebook səhifəsində bu barədətəsuratlarını bölüşüb:
Mən dünən ƏLİ NASİRİ ziyarət etdim və gördüm...
Fitri istedada malik, görkəmli Azərbaycan və Talış şairi, vətənimizin müstəqilliyi naminə totalitar Sovet İmperiyasına qarşı cəsarətlə mübarizə aparmış Azərbaycanın "İstiqlal fədaisi", bu il anadan olmasının 60 illik yubileyini böyük təntənə ilə qeyd etdiyimiz Əli Nasir ağır xəstəliyə düçar olduğu üçün həyatı təhlükə qarşısındadır!
Əli Nasir bütün mənalı həyatını ürəkdən sevdiyi vətəni Azərbaycanın müstəqillik qazanmasına, eləcə də mənsub olduğu Talış xalqının milli mental irsinin və maddi-mənəvi dəyərlər sisteminin reablitasiyasına, hifz olunmasına, inkişafina həsr etmişdir!
Onun ən böyük arzusu vətənimiz Azərbaycanda dilindən və dinindən asılı olmayaraq, azad, firəvan, sivil, demokratik və bərabərhüquqlu vətəndaş cəmiyyəti quruculuğunu görməkdir! Bu istək və arzuları naminə O, mərdi-mərdanə, hər cür məhrumiyyətlərə sinə gərərək, çəkinmədən ardıcıl sürətdə mübarizə aparmışdır!
Onun bu istiqamətdə cəsarətli və prinsipial addımları yenicə müstəqilliyini qazanmış o vaxtkı Azərbaycan Hakimiyyətinin xoşuna gəlməmiş və heç bir günahı sübuta yetirilmədən (oxu; gunahı olmadan) fiziki azadlığı əlindən alınmış - uzunmüddətli məşəqqətli həbsxana həyatına məhkum edilmişdir!?
Heç şübhəsiz ki, 8 illik dəhşətli zindan həyatı arıq və çəlimsiz bədənə malik bu nəhəng söz ustadının sağlamlığına yetərincə ziyan vurmuşdur!
Zindandan sonrakı fiziki təqiblər və psixoloji təzyiqlər də, ŞAİRİN sağlamlığına təsirsiz ötüşməmişdir...
Ən nəhayət, ölkəmizin paytaxtında şəxsi vəsaitləri hesabına belə, şairin anadan olmasının 60 illik yubileyinin keçirilməsinə Bakı şəhərinin iaşə obyektlərinə (konkret olaraq; "Bəyli" restoranı) Azərbaycan Hakimiyyəti tərəfindən qadağaların qoyulması həm əlinasirsevərlər, həm də şairin özü üçün mənəvi cəhətdən çox sarsıdıcı və üzücü bir hadisəyə çevrilmişdir...
Bütün bu fiziki-psixoloji təsir və rəzalət aksiyaları xalqımın nadir söz ustasının, mütərəqqi ideyalı ictimai-siyasi xadiminin, talantlı ədəbiyyatşünas aliminin, böyük şairinin fiziki sağlamlığını əlindən almışdır...
Biz, talışlar ULU TANRIDAN xalqımızın böyük RUH ŞAİRİNİN HƏYATINA AMAN DİLƏYİRİK!!!
Əziz dostlar!
Hamınızı ƏLİ NASİRİN sağlamlığı naminə dua etməyə və həyatı üçün ULU YARADANDAN MÖHLƏT istəməyə çağırıram.
ALLAH ƏLİ NASİRİ HİFZ ELƏSİN!!! AMİN!!!
