 Və yaxud, Masallı olaylarının "Köhnə bazar” siyasətbazlarının və "reketçilik” edən Abıyev qardaşlarının diktəsi ilə tənzimlənməsi rayon əhalisinə gün kimi aydındır
Məlumdur ki, Sovetlər birliyinin dağılması prosesi Azərbaycanda ictimai-siyasi durumum mürəkkəbləşməsilə paralel baş vermişdi. Bir tərəfdən ermənilərin ölkəmizin ərazi bütövlüyünə təcavüzü, digər tərəfdən də daxildəki "bazar təfəkkürlü” qüvvələrin özbaşınalığı ölkə miqyasını sürətlə bürümüşdü. Belə çətin bir vaxtda AXC-təşkilatı və onun yerlərdəki təşkilatın şöbələrinin yaradılmasına start verilmişdi.
Masallıda da təşkilatın şöbəsi yaradanda o vaxtkı rayon rəhbərliyi özünün "desantlarını” təşkilata yerləşdirməyə qismən də olsa, nail ola bilmişdi. Həmin "desantlara” rəhbərlik edən Abıyevlər keçmiş futbolçu, Məmmədağa Eynullayevi qabağa verərək, "çerez bazar”, yəni maliyə məsələləri üzərində AXC-rayon şöbəsinin İdarə Heyətinə üzv seçdirdilər. Sonra da onu AXC Ali məclisə nümayəndə təyin etdilər. Masallı şəhərinin bazar siyasətbazlarının bu zorakı hərəkətləri ilə qarşıdurma yaratmaq istəməyən kədlərdən olan nümayəndələr onlardan ayrılaraq, "Masallı rayon kəndlər birliyi” adı ilə fəaliyyət göstərməyə başladı. Müqəvvalılığını nümayiş edən AXC rəhbərliyi baş verən özbaşınalıqlara baxmayaraq kommunist-bazar alverçilərini tanıdı.
Həmin vaxtdan bəri Masallı siyasətinin "kaşası” köhnə bazarın mətbəxində bişirilir. Bir müddətdən sonra bazarda siyasətin xəzinədarı Çingiz Həşimov oldu. Abıyevlərin drijorluğu sayəsində Çingiz Həşimovun rəhbərliyilə rayonun bütün vəzifələrinə təyinat olurdu. H.Əliyev hakimiyyətə gələndən sonra AXC Məclisinin üzvü M.Eynullayev Abıyevlərdən yeni təyinat, İH-nin hüquq şöbəsinin müdüri vəzifəsini aldı. Hansı İH başçısı rayona göndərilirdisə, Abıyevlərin diktəsi ilə işləməli idi. Beləliklə qisa müddət ərzində dörd icra başçısı yola verildi, rayon talandı, rüşvtxorluq, korrupsiya, məmur özbaşnalığı, Abıyevin qohum-əqrabalarından təngə gələn rayon əhalisi ölkə rəhbərliyinə qalaq-qalaq müraciətlər ünvanladı. Rayonun görkəmli yerlərində, idarələrin kabinetlərində H.Əliyevin portreti ilə yanaşı Əhəd Abıyevin də portreti asıldı. İş o yerə çatdı ki, dördüncü başçı Oqtay Əliyev (sabiq general) çoxsaylı şikayətlərə görə vəzifəsindən azad edildi və "Danabaş” kəndindən Qəzənfər Ağayev Masallı rayonda başçı vəzifəsinin icrasına başladı. İşlədiyi üçüncü gün, çıxdı rayonun ərazisi ilə tanış olmağa. Elə ki, H.Əliyevin portreti ilə yanaşı, MM-in deputatı, Ə.Abıyevin portretin görən kimi... havalandı. O vaxtdan da Abıyev qardaşlarının "bazarı” bağlanmaga doğru getdi. Abıyevlərin bütün qohumları yavaş-yavaş tutduqları vəzifədən süpürüldü. Ara bir balaca sakit olmuşdu ki, Abıyevlər bələdiyyə seçkilərində "bazarkom” Çingiz Həşimov və onun oğlunun namizədliklərini vertməklə Q.Ağayevə dirənişə start verdilər. Q.Ağayev Abıyevlərin hazırladığı hər iki namizədi həbs etdirdi. Bir müddət yenidən nisbi sakitçilik höküm sürdü. Q.Ayağayevin ayağına dolaşanların hamısı onun sadiq əsgəri olmalarının nümayişinə düzüldülər, görünməmiş məddahlıqlar edildi. Həmin vaxtlardan da Q.Ağayev özünün biznes fəaliyyətinə başladı. Rayonun infrastrukturunun dağıdılması kütləvi ağackəsmə əməliyyatı, bazarın sökülüb, tikilib, təzədən böyük məbləğdə öz sahiblərinə satılması, əhalinin varidatının ələ keçirilməsinə hesablanmış min cürə oyunlarla müşayət olundu.
Bu dövrdə bazarın sökülmə-tikilmə əməliyyatına bilavasitə başçının ən yaxın adamı kimi Məmmədağa Eynullayev başçılıq edirdi və o, dükanların satılmasında Q.Ağayevin inandığı adam kimi dəllallıq missiyasını xüsusi canfaşanlıqla yerinə yetirirdi. Babalı deyənləri boynuna, indi də rayonda M.Eynullayevin həmin dəllallıq prosesində Q.Ağayevə "krupnıy” atması barədə söz-söhbət gəzir. İşdən hali Q.Ağayev onu tutduğu vəzifəsindən kənarlaşdırır.
Uzun illər bir-birinin ardınca nə az, nə çox düz beş başçının qanunsuz və cinayət xarakterli əməllərinə hüquqi don geydirən M.Eynullayev vəzifədən uzaqlaşdırıldıqdan sonra demokratik dəyərlər, qanunun aliliyi, insan haqları "aşiqi” kimi zühür etmək xulyasına düşdü.
Həmin dövrdən M.Eynullayev dəfələrlə "aclıq” aksiyası keçirməsini elan etsə də, yoxlama zamanı onun səhərə xaş, günortaya bozbaş yeməsi aşkar olmuşdur.
Məlumdur ki, abiyevlər uzun müddətdir ki, rayonda hər iki cəbhəyə: həm iqtidar, həm də müxalifət cəbhəsinə nəzarəti əldə saxlaya bilmişlər. Rayonda hakimiiyət rıçaqları laxlanan abiyevlər son dövrdə müxalifət cəbhəsində də mövqelərini itirməyə başlamışdır. Artıq "Müsavat” partiyasının rayon təşkilatı Abiyevlərin nəzarətindən çıxmış, ona yeni sədr seçilmişdir. Bunu heç cür həzm edə bilməyən abiyevlər artıq yeni seçilən sədr Xasay Səfəroğluna qarşı hücum kompaniyasına start veriblər.
M.Eynullayev rayonda ifşa olunduğundan Abiyevlərin diktəsilə bu gün Müsavatdan xaric edilən Eynulla Əzizovu irəli verilərək başçı Q.Ağayevə qarşı növbəti aksiya təşkil edilmişdir.
 03 aprel 2012-ci il tarixdə saat 12.00 radələrində sözügedən adamlar ölkənin bir sıra mərkəzi KİV-ləri rayona dəvət edərək onlara küçədə intervyu vermişlər. 3-4 nəfər müsavatdan xaric edilmiş adamlarlardan ibarət olan qrup bir tərəfədən rayondakı özbaşnaıqlardan danışsalar da, digər tərəfdən Musavat partiyasının yerli təşkilatının sədrinin ünvanına tənqidlər səsləndirdilər. Jurnalistlərlə görüşdən sonra onlar Müsavat partiyasının rayon qərargahına gedib, qərargahın qapısını mıxladılar. Bu olaylara aydınlıq gətirmək üçün Xasay Səfəroğlu ilə telefon əlaqəsi saxladıq. O, hazırda Lənkəranda olduğunu bildirərək qeyd etdi ki, Eynulla Əzizov partiyanın nizamnaməsini dəfələrlə kobud şəkildə pozduğu üçün, partiyanın sıralarından xaric edilmişdir.
 Bütün bunlara rəğmən Masallıdakı proseslərin abıyevlərin nəzarətindən çıxması vəziyyətin ciddiliyindən xəbər verir. Əlbəttə biz bir sürü danabaşlıların Masallıda at oynatmasından, burdakı özbaşnalıqlarından yaxşı xəbərdarıq. Rayonda müxalifətçiliyin zəif olması bu prosesə xüsusi meydan açırdı. Artıq əhali süni hay-küyçülərin iç üzünü yaxşı görür və kimin-kim olmasına özü qiymət verəcək.
Mətləb Dadaşov,
Azərbaycan Jurnalistlər Birliyinin üzvü,
Masallı rayonu
|
