Həbsxanaya bircə “buğda dənəsi” keçirtmək mümkün olmadığı halda, kamerasından məhbusun mobil telefonla kənar şəxslərlə əlaqə saxlamasına kim məsuliyyət daşıyır?
Ölkənin hakimiyyət strukturlarında böyük ictimai bəlaya çevrilən rüşvət, korrupsiya və digər cinayət xarakterli işlərin cəmiyyətimizə ağır zərbə vurması heç kimə artıq sirr deyil.
Yazının linqini nəzərə alıb, ölkə həbsxanalarında baş alıb gedən özbaşınalıqlar, qanun pozuntuları, məhbuslara fiziki və psixoloji işgəncələr verilməsi hallarını da bilməyən yoxdur. Artıq sadalanan qanunsuzluqlar, respublika ədliyyə sistemindən həbsxana divarlarından da kənarda, sadə vətəndaşları “hədəf” seçməsi, xüsusilə Talış zonasında daha aşkar görünməkdədir.
Xatırlayırsınızsa, “ Müstəntiqin stajoru nə istəyir ?” , “ Taleh Osmanovun cinayətkar ovu” ... başlıqlı yazılarımda hüquq-mühafizə sistemindəki özbaşınalıqlar və bu fonda vətəndaşların bilərəkdən, əsasız olaraq incidilməsi barədə çox geniş məlumat vermişdik.
Bu dəfə məni yazmağa vadar edən, Ədliyyə Nazirliyindən Masallı rayonunun Xanalion kənd sakinlərinə ünvanlanan, ardı-arası kəsilməyən “teleqrammaların” insanları narahat etməsi oldu.
Masallı rayonunun Xanalion kəndində doğulmuş, RF-sı Vətəndaşı, iki uşaq atası Baxışov Moğbil Əbdülrəhim oğlu ötən ilin avqust ayında saxta lotareyya bileti satdığına görə həbs edilmişdir.
Deyilənlərə görə, Baxışov Moğbillə Bayıl həbsxanasında eyni kamerada bir nəfər Lənkəranlı narkotik vasitə üstündə yatır.
Həmin Lənkəranlı həbsxanaya daxil olanda özü ilə kameraya mobil telefonunu da aparıb. Həmin telefonla Baxışov Moğbil sentyabr ayından son vaxtlara qədər bütün qohum və dostlatı ilə telefonla danışıb. Son telefonla əlaqə saxladığı adamlardan atası Əbdürrəhim kişi, dörd uşaq anası olan xəstə bacısı Qədirova İlhamə və yaxın qohumu Babayev Bəhlul Mirzabit oğlu olmuşdur (İlhamənin dediyinə görə).
Məlum olduğu kimi sözügedən məsələ ilə əlaqədar Ədliyyə nazirliyinin hüquq şöbəsi cinayət işi açmışdır.
Maraqlı və anlaşılmaz məqamlardan biri də budur ki, cinayətkar həbsxanaya mobil telefon keçirir, aylarla kənar insanlarla əlaqə qurulur, amma həbsxana işçiləri görmür, bilmir, tədbirli də olmur. (?)
Digər maraqlı məqam budur ki, həbsxana divarları arasında oturanlar həmin telefonla bəlkə də doqquz milyon adama zəng edibsə, 2-dərəcəli ədliyyə qulluqçusu, cənab müstəntiq Dinar Bədəlov yəni onların hamısından “ifadə” almağa israr edərmi ?...
Bəlkə həbsxana daxilində istintaq aparıb, cinayətkarları cinayət məsuliyyətinə cəlb edəcək ?...
Suallar çox, maraqlar ondan da artıq görünür.
Xanalion kəndinə ünvanlanan teleqrammlardan ; - 1. 20.03.2014-cü il tarixdə Babayev Bəhlul Mirzabit o. 2. – Qədirova İlhamə Əbdürrəhim qızı. 3. – Baxışov Əbdürrəhim Məmməd oğluna eyni məzmunlu ;
“ – 132950563 nömrəli cinayət işi üzrə zəruri istintaq hərəkətlərinin keçirilməsi məqsədilə 10.04 2014 – cü il tarixdə saat 11.00 da Ədliyyə nazirliyinin istintaq idarəsinə şəxsiyyətinizi təsdiq edən sənədlə gəlməlisiniz. ( ünvan; Bakı şəh. İnşaatçılar prospekti-1. Elmlər Akademiyası metrosunun yaxınlığında. Tel-r; daxili-18-09. mob.0505464671.
Sizə bildirilir ki, çağırışa gəlmədiyiniz halda barənizdə Az. Respub. Cinayət Prosesual Məcəlləsinin 178-ci maddəsi ilə polis vasitəsilə məcburi gətirilmə tətbiq ediləcəkdir.
Kimdən:
2 dərəcəli Ədliyyə qulluqçusu Dinar Bədəlov
Hazırladı:
Ədliyyə Nazirliyi müstəntiqi. “
Teleqramda göstərilən 0505464671 mobil nömrəyə zəng edib, qarşı tərəfin fikrini öyrənmək istədim, vəziyyəti olduğu kimi bildirdi, mən də Qədirova İlhamənin xahişi ilə, ağır vəziyyətdə olması, məktəbli oğlunun da “sudurqa xəstəliyindən “ əziyyət çəkməsini, Bakıya gəlməsi imkanı olmadığını bildirdim. Telefonu ərinə verməyimi xahiş etdi. Təkid etdi ki, İlhamənin gəlməsi vacibdir. Mən də telefonu alıb, bu məsələni ictimailəşdirib yazmağımı bildirən kimi telefonu qapatdı.
Gün kimi aydın olan məsələ budur ki, hər hansı adamın mobil telefonuna zəncg gələrsə, cavab verilməsi mütləqdir. Bu baxımdan, sözügedən insanlara da zəng edilib, sadəcə keyf-əhval soruşulub.
Aydın olmayan məsələ isə həbsxanaya bircə buğda dənəsi keçirtmək mümkün olmadığı halda, məhbusların saxlama kamerasından məhbusun mobil telefonla kənar şəxslərlə əlaqə saxlamasına məsuliyyət daşıyan kimdir ?...
Mətləb Pero
Azərbaycan Jurnalistlər Birliyinin üzvü
