 Sevimli bir gündür 21 mart 2013-cü il. Bu gün tək Novruz bayramı ilə əlaqədar deyil, bu gün millətimizin AĞSAQQAL ALİMİNİN: - BÖYÜK İNSANIN, xalqımıza MÜBARİZ ÖVLADLAR bəxş etmiş ATANIN - Əlif dayinin 80 yaşı tamam olur!
Əlif dayı, çox təəsüf ki, talenin acı hökmü ilə bu yubileyinizdə oğlunuz Hilal Sizin yaninizda ola bilmədi, ancaq Siz əmin ola bilərsiz ki, bu yubileyinizdə yüzlərlə, minlərlə TALIŞ OĞLU Sizin yanınızdadır, onlar da, Hilal kimi ola bilməsələr də, Sizə OĞULDURLAR, onların da Hilal kimi Sizin AĞSAQQAL məsləhətinizə ehtiyacları var!
Əlif dayı, Əlif ATA, ad gününüz mübarək! Qoy Xıdo özü Sizə, Sizin simanızda isə xalqımıza, d-r Hilal Məmmədova və nahaqdan zindan həyatı yaşayan bütün insanlara yardımçı olsun! AMİN!
Rafiq Cəlilov,
Respublika Talış Mədəniyyət Mərkəzinin sədri
Əlif Məmmədhəsən oğlu Məmmədov 1933-cü il martın 21-də Astara rayonunun Tanqərü kəndində anadan olub.
1950-ci ildə orta məktəbi bitirib və həmin ili Azərbaycan Pedaqoji İnstituna daxil olub. İnstitutu fərqlənmə diplomu ilə bitirib. Stalin təqaüdçisi olub. Bir müddət Pensə kənd məktəbinin direktoru, Astara rayon təhsil şöbəsində inspektor işləyib.
1962-ci ildə EA-nın Riyaziyyat və Mexanika İnstitunun aspiranturasına daxil olub, 1966-cı ildə müdafiə edərək elmlər namizədi dərəcəsini almışdır. 1970-ci ildən Azərbaycan Pedaqoji Universitetinin dosenti, dekanı və 16 ildə kafedra müdiri vəzifəsində çalışmışdır.
Hal-hazırda həmin Unversitetin və Müəllimlər İnstitunun professorudur. 250-dən çox eimi məqalələrin, o cümlədən 35 kitabın müəllifidir. 11 aspirant onun rəhbərliyi altında müdafiə etmişdir. 45 ildən də çox müddətdə Bakı şəhəri müəllimlərinə və Ali Məktəb müəllimlərinə mühazirələr oxumuşdur.
Ailəlidir. 7 övladı, 15 nəvəsi, 7 nəticəsi var.
ƏLİF ATA
Ey günəş tək səxavətlə insanlara nur paylayan böyük insan,
Nəsil-nəsil cavanların həyatına işıq yayan böyük insan,
Ədaləti, sədaqəti, məhəbbəti meyar sayan böyük insan,
Arzularin, istəklərin toxunmasın heç vaxt daşa, Əlif Ata,
Əlif qəddin (I) əlif qalsın, əyilməsin, yüz il yaşa, Əlif Ata!
Kim deyir ki, qocalığın hənasıdır ağartdığın qara saçlar,
Müdrikliyin mahiyyəti, mənasıdır ağartdığın qara saçlar,
Milyonlara həqiqətin aynasıdır ağartdığın qara saçlar ,
Arzularin, istəklərin toxunmasın heç vaxt daşa, Əlif Ata,
Əlif qəddin (I) əlif qalsın, əyilməsin, yüz il yaşa, Əlif Ata!
Rəzaləti, alaq kimi qoparan qol-yaşadığın ömür yolu,
Bir kişilik məktəbinə aparan yol-yaşadığın ömür yolu,
Öyüncümüz, fəxrimizdir- yaşa, var ol-yaşadığın ömür yolu,
Arzularin, istəklərin toxunmasın heç vaxt daşa, Əlif Ata,
Əlif qəddin (I) əlif qalsın, əyilməsin, yüz il yaşa, Əlif Ata!
Örnək olub bu gün bizə cəsarətin, dəyanətin, Əlif Ata,
Sən müqəddəs atasısan Talış adlı bir millətin, Əlif Ata,
Əzəmətli atasısan Hilal adlı həqiqətin, Əlif Ata,
Arzularin, istəklərin toxunmasın heç vaxt daşa, Əlif Ata,
Əlif qəddin (I) əlif qalsın, əyilməsin, yüz il yaşa, Əlif Ata!
I - Ərəb əlifbasının ilk hərfi: əlif
ƏLİ NASİR,
Bakı-15.03.2013
Əlif müəllim, mübarəkdir həştadın!
Saf əqidə, sağlam həyat, xoş məram,
Aksioma tələb etmir isbatın...
Duyğularım coşub-daşır bu axşam,
Əlif müəllim, mübarəkdir həştadın!
Çox sevindim bu xəbərə doğrusu,
Ad günündə qeyd edəsən Novruzu,
Hər kişiyə qismət deyil bu arzu ,
Əlif müəllim, mübarəkdir həştadın!
Ömür yolu hünər dolu bir kitab,
Bir sevincdən ötrü çəkdin min əzab,
Öz sahəndə etdin böyük inqilab,
Əlif müəllim, mübarəkdir həştadın!
Bu zirvəyə çatmaq olmayıb asan,
Həyat adlı imtahandan çıxmısan,
Nəvə-nəticəli müdrik babasan,
Əlif müəllim, mübarəkdir həştadın!
Verməsə də dövlət sənə heç bir ad,
Hər bir şeydən şərəflidir təmiz ad,
Sən Allahdan istəginən mükafat,
Əlif müəllim, mübarəkdir həştadın!
Təmiz vicdan var-dövlətə satılmaz
Məddahlıqla mərdlik eyni tutulmaz,
Halal çörək haram mala qatılmaz
Əlif müəllim, mübarəkdir həştadın!
Əyri yola olmayıbdır marağın,
Yüksəklərdən gəlib hər an sorağın,
Arzum budur daim yansın çırağın,
Əlif müəllim, mübarəkdir həştadın!
Sən Hilaldan qalmaginən nigaran,
Tarix yazdı səlnaməyə qəhrəman,
Əyilməzdir! Sınmaz oğlun heç zaman,
Əlif müəllim, mübarəkdir həştədın!
Həştad şişi çəkib-düzək manqala,
Qoşuluram mən də bu şən əhvala,
Üzərliyi yandır, tulla tonqala,
Əlif müəllim, mübarəkdir həştadın!
Arzum budur gəlməyəsən gözə sən,
Kötükcələr toylarında süzəsən,,,
Tam irəli! Çatmalısan yüzə sən,
Əlif müəllim, mübarəkdir həştadın!
Şair Asif |
