Əziz dostlar!
Hörmətli Azərbaycan və Talış poeziya həvəskarları, qədirbilən Əli Nasir sevənlər!
1 may 2015-ci il tarixində qüdrətli yazar, istedadlı şair, alovlu vətənpərvər, azadlıq aşiqi və carçısı, inqilab fədaisi, "Ey ana vətən!" marşının müəllifi Əli Nasirin 60 yaşı tamam olur!
Şairin 60 illik yübileyini onun adına layiq, yüksək səviyyədə keçirtmək üçün, 3 aprel 2015-ci il tarixdə, ictimai əsaslarla, "əlinasirsevərlər" - Rafiq Cəlilov, Vüqar Mirzəzadə, Habil Məydonson, Seyran Dadaşov və Mehdibəy Səfərovun daxil olduğu "Əli Nasir - 60" adlı Təşəbbüs qrupu yaradılmışdır!
Təşəbbüs qrupu "Əli Nasir - 60" adlı yübileyi xalqımızın həyatında yeni bir ədəbiyyat hadisəsinə, bədii cəhətdən isə, maraqlı və zəngin yaradıcılıq hesabatına çevirmək üçün şərti adı "Kül qalağında Köz" olan, əbəbi-bədii tədbirin təşkilati işlərinə başlayır!
"Əli Nasir - 60" Təşəbbüs qrupu muğam-mahnı ifaçılarından, bədii qiraət ustalarından, rəssamlardan və başqa yaradıcı sənət adamlarından xahiş edir ki, yübiley məclisinin əzəmətli, mənalı və yüksək yaradıcı ruhunda keçirilməsi üçün şairin həyat və yaradıcılığına həsr etdikləri işlər barəsində 25 aprel 2015-ci il tarixinə kimi məlumat versinlər.
Tədbirin keçiriləcək yeri və vaxtı barəsində əlavə məlumat verəcəyik!
Sizə böyük hörmət və səmimiyyətlə,
"Əli Nasir - 60" Təşəbbüs qrupu
