Bütün mənalı həyatını milli-mənəvi dəyərlərimizin qorunmasına həsr edən xalqımızın dəyərli ziyalısı, alovlu vətənpərvər oğlu və yüksək istedada malik şairi Əli Nasirin səhətində yaranan problemlərlə əlaqədar, bir müddət əvvəl o, ağır cərrahiyə əməliyyatına məruz qalmışdır. 

Bir qrup "Əli Nasir sevənlər" onu ziyarət ediblər.

Görüşdə şair yuxusuz keçirtdiyi gecələrin məhsulu olan bir neçə mükəmməl poeziya nümunəsini görüşə gələnlərə oxumuşdu. 

Hörmətli dostlar!
Görkəmli şairə can sağlığı, uzun ömür və yeni-yeni ədəbiyyat uğurları diləyib, həmin yaradıcılıq nümunələrindən birini Sizlərə təqdim edirik. 

Varmı yenə sən tək içi mənfur, “üzü göyçək” köpəyoğlu?
Bəsdir sıra pozdun, ara qatdın, daha əl çək, köpəyoğlu!

Getməkdə idi işlərimiz vallahi öz vamına uyğun,
Məqsədlə, məramıyla həqiqətdə elin namına uyğun,
Açdın üzə tökdün, yadı saldın hər olan halətə duyğun,
Tapşırdı ağan: Söy bizi, sən naləni zil çək, köpəyoğlu!
Bəsdir sıra pozdun, ara qatdın, daha əl çək, köpəyoğlu!

Sən tək var idi bir də şərəfsiz, nələr etdi bizə, bəsdir,
Satdı vətənin mərdini, arvad kimi durdu üzə, bəsdir,
Çökdün nədən ey it, bu quduz qurdun önündə dizə, bəsdir,
Doğmuş analar çoxmu qurumsağları sən tək, köpəyoğlu?
Bəsdir sıra pozdun, ara qatdın, daha əl çək, köpəyoğlu!

Guya ki uçan daxmasına xalqımızın sən də dayaqsan,
Üz maskalı, baş kaskalı, hər maskada bir özgə boyaqsan,
Sanma a cüvəllağı yatıbdır hamı bir tək sən oyaqsan,
Sənsən uyuyan fil qulağında gənə, milçək köpəyoğlu, 
Bəsdir sıra pozdun, ara qatdın, daha əl çək, köpəyoğlu!

Şəxsiyyəti yoxsa birinin ol kəsə insan demək olmaz,
Səndə bu qədər fitnə-fəsad var sənə şeytan demək olmaz, 
Hərçəndi müsəlman satana əhli-müsəlman demək olmaz,
Sünnət eləyib sən kimisin ax... niyə dəllək köpəyoğlu,
Bəsdir sıra pozdun, ara qatdın, daha əl çək, köpəyoğlu!

Dəymə, qurular özləri onsuz da yanır, yaşları yandır,
Aş harda sən orda başa çıx başları “yandır”,
Yandır, demirəm yaxma özün tək əsil oğraşları yandır,
Eşşək necə insanları eşşək sanar, eşşək köpəyoğlu?!
Bəsdir sıra pozdun, ara qatdın, daha əl çək, köpəyoğlu!

Zatında yəqin var neçə işgil, neçə qatqın, köpəyoğlu,
Ey it südü əmmiş, qara qançır qana batqın, köpəyoğlu,
Satdın nə qazandın, bu dəyusnaməni, satqın köpəyoğlu,
Bəlkə Əli Nasir deyəni vird edəsən tək, köpəyoğlu,
Bəsdir sıra pozdun, ara qatdın, daha əl çək, köpəyoğlu!

Əli NASİR