Azərbaycan prezidentinin Brüsselə səfəri ərəfəsində Avropa Parlamentinin İnsan Hüquqları Komitəsi prezident seçkisi ilində Azərbaycanda insan hüquqlarının vəziyyəti ilə bağlı dinləmələr təşkil edib.
Sülh və Demokratiya İnstitutunun (SDİ) direktoru Leyla Yunus dinləmələrə məruzəçi kimi dəvət edilib O, auditoriyanın diqqətini oktyabrda keçiriləcək prezident seçkiləri ərəfəsində insan hüquqları ilə bağlı problemə yönəldib. Xüsusilə, L.Yunus sərbəst toplaşma azadlığının məhdudlaşdırılmasını qeyd edib.
Belə ki, 2005-ci ilin noyabrından şəhər İcra Hakimiyyəti paytaxtın mərkəzində piket və nümayişlərin keçirilməsini qadağan edib. Həmçinin əyalətlərdə açıq hava görüşlər qadağan edilib. "2013-cü ildə prezident seçkiləri ilində faktiki olaraq fövqəladə vəziyyət yaradılıb - hakimiyyət üçün narahatlıq yaradan QHT-lərin və siyasi partiyaların qapalı yerlərdə toplantı keçirməsi qadağan olunub”, - L.Yunus bildirib.
Vətəndaş cəmiyyəti fəalları və müxalifət liderlərinin ölkədə sərbəst hərəkətinə icazə verilmir. Polis onların avtomobilini saxlayır, paytaxta geri qaytarır.
Fevralın 4-də şimal bölgəsinə səfərdən sonra REAL hərəkatının lideri İlqar Məmmədov və Müsavat Partiyası sədrinin müavini, jurnalist Tofiq Yaqublu həbs olunub. Onlar kütləvi iğtişaşlarda iştirakda ittiham olunurlar (CM-in 220.1-ci maddəsi, 12 ilədək həbs cəzası) .
Mart-aprel aylarında 10 gənc fəal, o cümlədən NİDA hərəkatının üzvləri uydurma ittihamlarla həbs olunub.
Seçki ilində özgəfikirlilərə qarşı təzyiqlər artıb. Hazırda 7 jurnalist həbsdədir. Onlardan beş nəfəri artıq mühakimə olunub. "Xural” qəzetinin redaktoru Əvəz Zeynallı bu il martın 12-də 9 il müddətinə azadlıqdan məhrum edilib.
"Hüquq müdafəçisi, eyni zamanda "Tolışi Sado” qəzetinin redaktoru Hilal Məmmədovun həbsi xüsusi narahatlıq doğurur. O, İranın xeyrinə casusluqda, milli ədavəti qızışdırmaqda və narkotik maddə üzrə təqsirli bilinir. Onu 15 il, və ya ömürlük həbs edə bilərlər”, - L.Yunus bildirib.
Söz azadlığının, çap mətbuatda ifadə azadlığının məhdudlaşdırılması Azərbaycan üçün yenilik deyil. İnternetə cinayət təqibinin şamil edilməsi böhtan və təhqirdə ittiham olunacaq vətəndaşların sayını artıracaq.
Azərbaycanda dindarların təqib olunması məcburi radikallaşma xarakteri alır. SDİ 2002-2013-cü illərdə islamçıların məhkəmə proseslərinin monitorinqini aparır. Hazırda 256 dindar həbsdədir (İslam Partiyasının, müxtəlif dini icmaların üzvləri). Onlardan 79-u heç bir cinayət törətməyib.
"Əliyev rejimi sadə dindarların ən ağır ittihamlarla kütləvi həbslərinə bəraət qazandırmaq üçün ABŞ-ın İrana mənfi münasibətindən, anti-islam əhval-ruhiyyəsindən istifadə edir”, - L.Yunus vurğulayıb.
2013-cü il iyunun 7-də prezident İ.Əliyev rəhbərlik etdiyi Yeni Azərbaycan Partiyasının qurultayında seçki kampaniyasının xarakterini açıqlayıb və müxalifəti ittiham edib. Oi, müxalifəti "xəyanətkar, satqın qruplaşmalaran ibarət antimilli qüvvələr adlandırıb”.
LYunusun fikrincə, İ.Əliyevin sözləri repressiyaların artması üçün siqnal olacaq.
"Bizim üçün ən çətin məqam oktyabrın 16-dan sonra başlayacaq. Seçklərin yekunlarının total saxtalaşdırılmasından və kütləvi həbslərdən sonra həbs olunanların məhkəmə prosesləri başlayacaq. Azərbaycanda müstəqil məhkəmə sistemi olmadığı üçün İlqar Məmmədvun, Hilal Məmmdovun, digər jurnalist və fəalların, əlbəttə ki, islamçıların barəsində uzun məhkəmə hökmlərinin çıxarılacağını gözlmək olar”, - L.Yunus vurğulayıb.
Onun sözlərinə görə, məruzə qızğın müzakirələrə səbəb olub. Müzakirələr zamanı Avropa İttifaqının strateji tərəfdaşı kimi Azərbaycandan imtina edilməsi kimi təkliflər səslənib.
