Главная » 2012»Июнь»22 » Leyla Yunus: “Hilal Məmmədovun həbsi milli azlıqlara təzyiqdir”
13:04
Leyla Yunus: “Hilal Məmmədovun həbsi milli azlıqlara təzyiqdir”
"Azərbaycandakı talış milli azlığının nüfuzlu şəxslərindən biri Hilal Məmmədovun həbsi üçün bir neçə ehtimalın olduğunu düşünürəm”, - Sülh və Demokratiya İnstitutunun rəhbəri, hüquq müdafiəçisi Leyla Yunus bunu "Talışi Sədo” qəzetinin redaktoru H.Məmmədovun həbsini Turan-a şərh edərkən söyləyib.
İlkin ehtimal kimi, L.Yunus aşağıdakı ehtimalı göstərib. H.Məmmədov talış dilində deyilən meyxananı "You Tube”də yerləşdirərək həmin səhifədə "Eurovision”a milyonlar xərclədərək özünü tanıtmağa çalışan İlham Əliyevdən fərqli olaraq biz qəpik də xərcləmədən "talış meyxanasını dünyaya tanıtdıq” rəyi yazıb. Mövcud iqtidarın mahiyyətini bildiyibi üçün hüquq müdafiəçisi bu rəyin H.Məmmədovun həbsinə səbəb ola biləcəyini söyləyib. L.Yunus iqtidarın milli azlığa münasibətini bütün ölkəyə münasibəti kimi dəyərləndirib. Hüquq müdafiəçisinə görə, iqtidar vətəndaş cəmiyyətləri ilə hər hansı dialoqa getmədiyi üçün milli azlıqların proberlmlərində də zoru və təqibi əsas vasitəyə çevirib.
Daha bir ehtimal kimi L.Yunus H.Məmmədovun talışlar arasında nüfuza malik şəxslərdən biri olmasını, rəsmi Bakının isə belə şəxsləri görmək istəmədiyini deyib. O, MTN-də vəfat edən Novruzəli Məmmədovdan sonra talışlar arasında nüfuza malik şəxslərdən H.Məmmədovun olduğunu deyib. İqtidar jurnalist Xədicə İsmayıla qarşı şantaja əl atanda, dini çevrəni X.İsmayıla qarşı qaldırmaq istəyəndə H.Məmmədovun bunu əleyhinə çıxdığını və dindarlar arasında iş apararaq bunun qarşısını aldığını nəzərə çatdırıb.
L.Yunus bu həbsə daha bir ehtimal kimi rəsmi Bakının son vaxtlar "casus ovu”na çıxmasını göstərib. Bu "casuslar” ən çox Rusiya və İranla əlaqəli çıxırlar. Amma H.Məmmədov mədəni, ziyalı olduğu üçün ona qarşı "casus, təxribatçı, terrorist” ittihamı gülünc olardı. Ona görə də "narkotika” adı qoydular.
L.Yunus bunu da deyib ki, H.Məmmədovla bağlı həbs protokoluna üstündə 5 qram, evində isə 30 qram heroin tapıldığı qeyd edilib. L.Yunus israrla qeyd edib ki, bu həbs bir şəxsə yox, bütünlükdə milli azlıqlara münasibətin göstəricisi sayılmalıdır.
Hüquq müdafiəçisi milli azlıqlara münasibətdə siyasi situasiyanın pisləşməsilə bağlı rəhbərlik etdiyi institutun ofisində bu gün ölkədə fəaliyyət göstərən səfirlərlə görüş keçirəcəyini nəzərə çatdırıb.
