Millət vəkili İqbal Məmmədovla, icra başçısı Rövşən Bağırov əl-ələ verib, sözün əsl mənasında rayonu qarət edir, zorbalıqla camaatın evlərini basir, mal-mülklərini əllərindən alırlar.
Millət vəkili də, bu “kreslo” üçün sino gedən icra başçıları kimi camaatın dərisini soğan kimi soyanda adam deyir şükür sənin millətinə də, bu cür vəkilinə də…
Mətləbə gəlməzdən əvvəl bir tarixi xatırlatma etmək istəyirəm. XVI-cı əsrdə Kazanda ruslar tatarların üzərində öz güclərini sınayarkən, böyük torpağa sahib olanları həbs edər, torpaqlarını, malları-mülklərini müsadirə edərək əllərindən zorla alardılar. Bu hadisədən düz 5 əsr keçib. Amma bu gün Bakının göbəyində qoşa-qoşa villalarını qoyub, basa-basa gedib Lerik rayonunda torpaq davasına çıxan harınlamış məmurlar elə deyəsən 500 il bundan əvvəlki təfəkkürə malik olanlardır...
Əlqərəz, keçək mətləbə. Lerik rayonundan seçilmiş millət vəkili iqbal Məmmədov seçildiyi sahənin camaatın problemrinin çözülməsi əvəzinə onlara özü böyük bir problem olub. Lerik rayonun sakini Eldəniz Quliyevin sözlərinə görə, deputat İqbal Məmmədovla, icra başçısı Rövşən Bağırov əl-ələ verib, sözün əsl mənasında rayonu qarət edir, zorbalıqla camaatın evlərini basir, mal-mülklərini əllərindən alırlar. Eldəniz Quliyevin 60 sot torpağının zorla əlindən alınmasını buna misal göstərmək olar.
Eldəniz Quliyev bir külfət ailəsini 60 sot torpağında əkib-becərdiyi taxıl hesabına saxlayırdı. İqbal Məmmədov və Rövşən Bağırov ağır texnika ilə taxil zəmisini məhv edib, evlərini başlarına yıxıb və zorla onları yurd-yuvalarından çıxarıb. Sonra isə bir kasıb kəndli üzərində sınanılan gücünü və açıq aydın oğurlanmış torpağı bizim millət vəkilimiz Azərenerjinin rəhbəri Etibar Pirdeyivə satıb. Xatırladaq ki, İqbal Məmmədov və Rövşən Bağırov ailənin əlindən zorla alınan mal-mülkü öz mülkiyyətləri kimi satırlar.
Bununla kifayətlənməyən millət vəkili millətin oğlu, kasıb kəndli balası Eldəniz Quliyevi ölümlə də hədələyir. E.Quliyev başına nəsə gələrsə, bunun vəbalını məhz millət vəkili İqbal Məmmədov və icra başçısı Rövşən Bağırovun daşıdığını bildirib. Onu da, nəzərinizə çatdıraq ki, Lerik sakini E.Quliyevin verdiyi məlumata görə, bu təhdidlərdən dolayı baş prokrorluğa dəfələrlə müraciət etsə də, prokrorluq buna heç bir əhəmiyyət verməyir. Prokrorluğun bu laqeyidliyinin səbəbi isə Lerik rayon prokrorluğunda rüşvətxor müstəntiq kimi tanınan Abdulla Abdullayevin icra başçısını müdafiə etməsidir. Görünür kasıblardan zorla alınan mal-mülkü satmaqla əldə edilən pullardan müstəntiqədə pay düşür. Əks halda bu boyda qarətçiliyin üstünü örtüb cinayət ortağına çevrilməzdi.
Xatırladaq ki, İqbal Məmmədov və Rövşən Bağırov zorla kəndlinin torpağına sahib çıxmaları ilə mülki məcələnin 145, 146, 147-ci maddələrini, dinc sakini ölümlə hədələmək və təhdid etməyə görə cinayət məcəlləsinin 130-cu maddəsini pozmuşlar.
Qeyd edək ki, ailə başçısı Eldəniz Quliyev hazırda özünə qəsd etmək dərəcəsinə catdırırılıb.
Gülçin
sonolay.org
