 Talış bölgəsinin Lənkəran şəhər mərkəzindəki dahi Nizami Gəncəvi adına "kino-teatr” binası hansı səbəbdən darmadağın edilib və onun yoldan ötənlərin "ayaq yolu” kimi istifadə edilməsinə nədən şərait yaradılıb?
Qabaqcadan bütün ölkə ictimaiyyətinin nəzərinə çatdırıram ki, bu və ya digər məsələlərdə Lənkəran əhalisini qınamaq heç də insafdan deyil.
Gözlərimin şahidi olduğu bu xoşagəlməz məsələyə çalışaram ki, bir qədər qısa və konkret açıqlama verim. Çünki xalqımız o dərəcədə laqeydlik və biganəlik "xəstəliyinə” tutulub ki, uzun-uzadı yazıları oxumağa təmbəllik edirlər. Bu baxımdan sosial şəbəkələrdə də fikrimi çatdırmaq üçün, çox vaxt reallıqları əks etdirən fotoşəkillərdən istifadə edirəm ki, hörmətli oxucuları yormayım.
Yuxarıda sözügedən məsələyə aydınlıq gətirməklə, açığını deyim ki, iki gün öncə maşınımın elektrik sistemində problem yaranmışdı. Dostlarım Lənkəranda xarici maşınların kompyüter sistemini çox yaxşı bilən, savadlı bir mütəxəssisin olmasını dedidlər və ona müraciət etməyimi məsləhət bildilər. Gəlib həmin usta Fəxrəddini tapdım. Onun iş yeri əzəmətli, dünya şöhrətli dahi şairimiz Nizaminin adını daşıyan "kino-teatr”la üzbəüz olduğunu gördüm.
 Maşından çıxan kimi keçmişdə inşa edilən, önündə dahi Nizaminin əzəmətli, sanki bizdən küskün durumda olan heykəli nəzər diqqətimi çəkdi. Binaya baxanda Qarabağın mənfur Ermənilər tərəfindən tarixi abidələrimizin vəhşicəsinə dağıtdıqları yerləri xatırladım, ürəyim sızladı, beynimdən sanki alov çıxdı....
Fotoaparatımı götürüb binaya yaxınlaşıb başladım çəkiliş aparmağa. Bu anda xeyli adam məni dövrəyə aldı. Tamamilə siyasətlə maraqlanmayan, bir cavan oğlan Lənkəranın ictimai-siyasi durumu barədə xeyli məlumat verib bildirdi ki, qardaş, burda az qala ki, rəsmən "komendant saatı” tətbiq etsinlər. İH-i son vaxtlar araşdırmalar aparır ki, müxalif fikirli adamların yaxın qohumları belə hansısa idarə və müəssisələrdə işləyirsə, onların siyahısın tutub, işdən azad etməsi yönündə iş aparır.
Nizami Gəncəvi adına bu mədəniyyət ocağı barədə nələr də yazsam, bu cinayətkar hakimiyyət onsuz da inkar edib, "şərdir, böhtandır” deyəcək. Bu səbəbdən, çəkdiyim şəkillərə baxın, özünüz dəyərləndirin. Mənim gördüyüm isə bu oldu ki, yoldan keçənlər həmin "kino-teatr” adlanan binadan tualet kimi istifadə edirdilər.
 Çox ağrılı bir məsələ də budur ki, mövcud hakimiyyət mənsubları özlərinə hər cür şərait yaradır, villalar tikir, müxtəlif markalı xarici avtomobillər alır. Bir tikinti obyektini təhvil verilməmiş, söküb təzədən tikdirilməsi azğınlıq, məmur harınlığı, korrupsiyaya, rüşvətə, qanun pozuntuluğuna açılan yol deyilsə, bəs nədir ?
Lənkəran – Boradigah magistral yolu bərbad halda olmasını hamı görür, bu məmurlar nədən görmürlər, bu yad münasibət nədən və hardan qaynaqlanması da məkirli siyasətdən xəbər vermirmi?...
Bəlkə bu zatıqırıq, şərəf və ləyaqətini itirənlər bu ölkənin vətəndaşı deyillər ?
Maraqlı və müəmmalı məsələlər fikrimi daha dərinliklərə aparsa da, hər şeyi açıb-ağartmaq istəməzdim. Dərdli bəlalarımızdan başlasam danışmağa, sözsüz ki, o ağırlığı heç kompyüter də daşıya bilməz. Lakin deməliyəm ki, laqeydliyinn əsas səbəblərindən biri də itirilmiş Vətən torpaqlarının uzun illər işğalda qalması və bu yöndə həlledici işlərin aparılmamasıdır. Torpaqların çox asanlıqla ermənilərə peşkəş edilməsi və ölkənin Dövlət qurumları tərəfindən heç bir hüquqi qiymət verilməməsi əsas amil kimi qəbul edilə bilməzmi?
Baxın, ölkənin bu qədər yaşayış məntəqəsi işğala məruz qaldığı halda, nədənsə heç bir rəhbər məsuliyyət daşımır, əksinə kimisi "Ulu öndər”, kimisi "Milli ideoloq”, kimisi də "Milli Qəhrəman” kimi xalqa sırınır (?).
İşğalda olan məntəqələri və kimlərin rəhbərliyi vaxtı işğal edilməsini bir də diqqətinizə çatdırıram:
1. Xankəndi – 26. 12. 1991 – Ayaz Mütəllimov;
2. Xocavənd – 02. 10. 1992 – Ayaz Mütəllimov;
3. Xocalı - 26. 02. 1992 – Ayaz Mütəllimov;
4. Şuşa – 08. 05. 1992 - Yaqub Məmmədov;
5. Laçın – 18. 05. 1992 - Yaqub Məmmədov;
6. Kəlbəcər – 02. 04. 1993 - Əbülfəz Əliyev (Elçibəy);
7. Ağdərə - 07. 07. 1993 - Heydər Əliyev;
8. Ağdam 23. 07. 1993 - Heydər Əliyev;
9. Füzuli 23. 08. 1993 - Heydər Əliyev;
10. Cəbrayıl 23. 08. 1993 - Heydər Əliyev;
11. Qubadlı 31. 08. 1993 - Heydər Əliyev;
12. Zəngilan 29. 10. 1993 - Heydər Əliyev.
Bu boyda cinayətlərin baş verməsi və bu cinayətlərə dövlət səviyyəsində hüquqi qiymət verilmədiyi, Ali Baş Komandan da daxil olmaqla heç kimin hüquqi məsuliyyət daşımadığı bir vəziyyətdə xalqın mövcud proseslərə laqeyd qalması məncə anlaşılandır.
Kifayət qədər sübutlar vardır ki, hakimiyyət başında olanlar hansısa səbəblərdən vətənə xəyanət etmişlər.
Bu xəyanətlər, "atəşkəs” adı altında hər gün anaların üstünə gələn əsgər balalarının tabutu ölkə vətəndaşlarını içindən yandırıb-yaxsa da, zahirdə laqeyidlik hissi açıqca görünür.
Sadalanan faktları hər kəs aşgarca bilsə də, vətəndaşların kasıb təbəqəsindən başqa, digər təbəqəyə mənsub olanların övladlarının orduda xidmətdən yayınması məncə laqeydliyə əsaslanan amillərdən biridir.
 Əhalinin arasında pantürkçü-şovinizm kimi yanlış siyasət yürüdən bəzi xəstə təfəkkürlü insanlar da "bulanıq sudan balıq tutmaq” kimi, müəyyən məsələlərdən yararlanmaları heç kimə sirr deyil. Dünya ölkələri çox yaxşı bilir ki, Azərbaycanda 23 adda millət vardır. Daxilimizdə pantürkçü-şovinistlərin bu millətlərin üstündən qara xətt çəkməsi, onların varlığını heç dilə gətirməmələri, onların qədim toponimlərini çox eybəcər formada türkləşdirilməsi də həmin milli azlıqları ictimai-siyasi proseslərə laqeyd edən başlıca amillərdən biri kimi dəyərləndirmək olar.
Xüsusən, Talış zonasını "Cənub zonası” kimi adlandırmaq da pantürkçü-şovinizmin eybəcər simasını çılpaqlığı ilə göstərən amillərədndir.
Bütün bunlar azmış kimi hələ sosial şəbəkələrdə bu millətşüvənlər açıqca bəyan edirlər ki, biz heç bir milləti ğzümüzə qardaş və dost saymırıq, hakimiyyətə gəlsək, milli azlıqları məhv edərik, "əzəli torpaqlarımızdan” qovub rədd edərik...  Bəzi dostlarımız deyirlər ki, onlar hakimiyyət tərəfindən xüsusi öyrədilən adamlardır ki, təxribat aparırlar...
Yaxşı, deyirəm bəs hakimiyyətdə olanlara sözünüz nədir, talış bölgəsi əhalisinin bir çoxunun paybəlli torpaqlarını qanunsuz olaraq sənədləşdirib, özününküləşdirmək hansı siyasətdən xəbər verir ?...
Ancaq hamıya açıqca bəyan edib deyirəm ki, bu laqeydliyin, sakit durumun çox böyük sosial-siyasi partlayışın "rusca " olmasına heç şübhəniz olmasın!
Belə özbaşınalıqlardan hamı bezib, nə belə müstəqillik olmaz, nə də belə dövlətçilik!
Mətləb
|
