Главная » 2012»Март»28 » Jurnalist İdrak Abbasov beynəlxalq mükafat aldı
22:55
Jurnalist İdrak Abbasov beynəlxalq mükafat aldı
Azərbaycanlı jurnalist, «Ayna-Zerkalo» qəzetlərinin əməkdaşı İdrak Abbasov Londonda yerləşən, nüfuzlu İndex on Censorship təşkilatının "İfadə azadlığı" mükafatını alıb.
Bu barədə İdrak Abbasov özü məlumat verib. Onun sözlərinə görə, mükafata namizədlər sırasında adı olub və Bakıya hələ bir ay əvvəl ona bildiriş göndəriblər.
Jurnalist bu mükafatı araşdırma yazılarına görə alıb. Onun ötən il ARDNŞ-lə bağlı apardığı araşdırma böyük qalmalqal yaratmışdı. Belə ki, jurnalistin evi ötən ilin sentyabrında buldozerlə dağıdılıb. Müşahidəçilər bu hadisəni məhz onun araşdırması ilə bağlı olduğuna əmindirlər. Bundan sonra da ona qarşı təxribatlar səngiməyib.
