Главная » 2011»Август»11 » İslamazeri.az internet qəzetinin baş redaktoru oğurlanıb
22:00
İslamazeri.az internet qəzetinin baş redaktoru oğurlanıb
İslamazeri.az internet qəzetinin baş redaktoru Ramin Bayramov saat 15:30 radələrində mülkü geyimlilər tərəfindən naməlum istiqamətdə aparılıb.
Onu Nizami metrosunun yaxınlığından aparıblar.
4 mülkü geyimli şəxs Ramin Bayramovu BMW markalı "NOL 557-C" nömrə nişanlı avtomobilə mindirib və naməlum istiqamətə aparıb.
Hadisə haqqında İslamazeri.az internet qəzetinin redaksiyasına adını açıqlamayan şəxs məlumat verib. Şahidin verdiyi məlumata görə avtomobilin dövlət nişanı Almaniyaya məxsusdur.
Bir neçə dəqiqə öncə Ramin Bayramovun Xırdalan şəhərindəki evinə polis basqını olub. Evə zorla girilərək axtarış aparılacağı deyilib. Basqın zamanı Ramin Bayramovun ailə üzvləri də evdə olub.
Hal-hazırda Ramin Bayramovla əlaqə saxlamaq olmur.
