İranın Hörmüzqan vilayətində güclü zəlzələ baş verib. Tehran Universiteti Geofizika İnstitutu Seysmoloji Xidmət Mərkəzinin saytında verilən məlumata görə, təbii fəlakətin episentri İranın Hörmüzqan vilayətinin Gövhəran şəhəri olub.
5.5 bal gücündə olan zəlzələ fevralın 2-də Bakı vaxtı ilə saat 18:26-da yerin 8.3 km dərinliyində meydana gəlib. Təbii fəlakət Gövhərandan (Hörmüzqan) 15 km, Manucandan (Kirman) 85 km və Qaləgəncdən (Kirman) 88 km uzaqlıqda baş verib. Dağıntı və tələfat yoxdur. Hazırda bölgədə kiçik təkanlar davam edir.
İranın "Mehr xəbər agentliyi" zəlzələdə ilkin məlumatlara əsasən, 1 adamın dünyasını dəyişdiyini, 30 adamın isə yaralandığını bildirib. Kömək və xilasetmə qruplarının bölgəyə göndərildiyi vurğulanıb. Qeyd edək ki, bölgədə bir neçə kiçik təkanlar baş verib.
