Главная » 2012»Август»10 » Hilal Məmmədovun Hüquqlarının Müdafiə Komitəsinin iclası keçirilib
23:26
Hilal Məmmədovun Hüquqlarının Müdafiə Komitəsinin iclası keçirilib
Avqust ayının 10-da "Tolışi sədo” qəzetinin həbsdə olan redaktoru Hilal Məmmədovun Hüquqlarını Müdafiə Komitəsi növbəti toplantısını keçirib. Toplantıda Müdafiə Komitəsinə daxil olan şəxslərlə yanaşı, mətbuat nümayəndələri iştirak ediblər.
"Deyerler.org" saytının məlumatına görə toplantıda Müdafiə Komitəsinin həmsədri, hüquq müdafiəçisi Arzu Abdullayeva müdafiə etdikləri şəxsin hüquqularının müdafiəsi istiqamətində görülən işlər haqqında qısa məlumat vermiş və yaxın gələcəkdə atılacaq addımlar barədə Komitə üzvlərini məlumatlandırmışdır. Arzu Abdullayeva bildirib ki, hal-hazırda Hilal Məmmədovun işi ilə əlaqədar beynəlxalq təşkilatlar və beynəlxalq media orqanları ilə əlaqələr yaradılması prosesi sürətləndirilib. Hilal Məmmədovun işi ilə bağlı hazırlanan bütün sənədlərin ingilis və digər dillərə tərcümə olunaraq beynəlxalq təşkilatlara göndərilməsi üçün işlərə strat verilib.
Vəkil Namizəd Səfərov çıxışı zamanı bir daha Hilal Məmmədova qarşı irəli sürülən ittihamların absurd olduğunu bildirib. O qeyd etdib ki, bir şəxs İranda olarkən hər hansı din xadimi ilə görüşə bilər və bu təbii qarşılanmalıdır. "Mən özüm də İranda olaramsa burada din xadimləri ilə görüşərəm. Halbuki mən dindar deyiləm. Burada qeyri adi heç bir şey yoxdur. Hilal Məmmədovun istintaqı heç bir qanuna, heç bir beynəlxalq konvensiyaya uyğun deyil”.
Müdafiə Komitəsinin digər həmsədri Rafiq Cəlilov isə çıxışı zamanı avqust ayının 9-da keçirilmiş Hilal Məmmədovun son məhkəmə işi ilə bağlı məlumat verib. "Nizami rayon məhkəməsində hakim Mehriban Qarayevanın sədrliyi ilə keçirilən prosesdə "Tolışi Sədo” qəzetinin baş redaktoru Hilal Məmmədovun apellyasiya şikayəti ilə əlaqədar müddətin ötürülməsi ilə bağlı şikayətə baxılıb. Prosesdə çıxış edən vəkil Anar Qasımlı Hilal Məmmədovla barəsində həbs-qətimkan tədbirinin seçilməsi ilə bağlı 22 iyun tarixdə verilmiş qərardan iyulun 25-də apellyasiya şikayəti verdiyini, lakin poçt işçilərini məsuliyyətsizliyi üzündən zərfin üzərində 26 iyul tarixi qeyd edildiyini, buna görə də apellyasiya şikayətinin qəbul edilmədiyini bildirib. Qərardan 72 saat müddətində şikayət verilməli olduğunu deyən Qasımlı poçt qəbzinin də üzərində 25 iyul tarixinin qeyd edildiyini və buna görə də müddətin ötürülməsi ilə bağlı qərarın əsassız olduğunu bildirib. Dövlət ittihamçısı isə qəbzin saxtalaşdırılmasından şübhələndiyini bildirib və qəbzlə zərfin üzərindəki tarixlərin uyğun gəlməməsinin mümkünsüz olduğunu deyib. Müşavirədən sonra hakim müddətin ötürülməməsi və şikayətin apellyasiya məhkəməsinə göndərilməsi ilə bağlı qərar qəbul edib”.
Xatırladaq ki, "Tolışi sədo” qəzetinin baş redaktoru Hilal Məmmədov bu il iyunun 21-də saxlanılıb. Onun haqqında Nizami Rayon Polis İdarəsində Cinayət Məcəlləsinin 234.4.3-cü (Qanunsuz olaraq külli miqdarda narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama) maddəsi ilə cinayət işi açılıb. İyunun 22-də Nizami rayon məhkəməsi onun barəsində 3 aylıq həbs qəti-imkan tədbiri seçib. İyulun 3-də isə Hilal Məmmədova əlavə ittihamlar (CM-nin 274 (dövlətə xəyanət) və CM-nin 283-cü (milli, irqi, sosial və ya dini nifrət və düşmənçiliyin salınması) maddəsi irəli sürülüb.
