 ƏssalamunƏleykum, ey Adəm övladları!
Ay canınıza daraşım, yaman sevindirdim sizi ha, heç kimə deməyin. Hecə yəni niyə?
Vallahi və billahi, o danabaşlar dünyanın gəlimli-gedimli siyasətini başa düşür, sizi isə heç başa salmaq olmur ki, olmur. Ay zavallılar, rəhmətlik Mirzə Cəlillin yazdıqları qismən də olsa, bəhrəsini verdi. Yəni Şeyx Nəsrullah Danabaş kəndinin ölülərini bir cadu ilə elə dirildib ki, onlar daha ölmək barədə həzrəti Əzraillə də söhbətə girişmək istəmirlər. Nəinki istəmirlər, heç fikirləşmirlər də. Yenə soruşursunuz niyə?
Ona görə ki, kefli İsgəndərin sözləri onları yaxşıca ağıllandırıb. Onlar o vaxtlar da "saldatdığdan” yayınıb, özlərinin ot tayalarında gizlənirdilər. Vətən-mətən onlara az dəlalət edib. Əşşi, dəlalət etsəydi, öz prezidentlərinin fərmanını pozmazdılar ki. Onlar da digər kasıb balaları kimi "saldatdığa” gedib, itirilmiş torpaqları azad edərdilər.
Yenə deyirsiniz nə fərman? O fərman ki, "hər bir çağırışçı yaşadığı yerdən yüz əlli - iki yüz kilometr aralıqda xidmət etməlidir”. Danabaşlılar isə bu fərmanı ayaq altına ataraq, elə öz kəndində xidmət edirlər. Onunda hamısı yox, ancaq maddi vəziyyəti nisbətən zəif olanların uşaqları. Böyükləri isə taxta biti kimi bütün ölkəni basıblar. Hər yerdə, bütün vəzifələrdə danabaşların təmsil olunmaları heç kimə sirr deyil.
Hesab etməyin ki, kimsə qısqanır, əsla! "Danabaş” olanda nə olar? Onlar da Azərbaycan vətəndaşlarıdır. Məsələ bundasır ki, bu danabaşların öndəri Qarabağ torpaqlarını satdı, oğlu da xalqın başının altına yasdıq qoyub, elə yuxuya verib yatızdırıb ki, oyanan deyillər. Məsələnin digər tərəfi budur ki, Şeyx Nəsrullahın diriltdiklərini o dünyada yaxşıca başa salıblar ki, dünya elə bu dünyadır, gedin istənilən qədər torpaq alın, mülk tutun, sərvət yığın, pulunuz olsa, vallah elə cənnəti də pulla alacaqsınız.
Hələ deputatxananın nümayəndəsi Hadı Rəcəblinin tək Lankondakı (Lənkəran) mülklərindən danışsam, gözləriniz "Daş və çiçək” filminin qəhrəmanı Sarikramın gözləri kimi yerindən çıxar. Deyimmi?
 Deyim də, ay qanınıza "hepotit” düşməsin, yazıqsınız! Bu millətin nümayəndəsi var e... H.Rəcəbov (li) Lankonın (Lənkəran) Aşağı Nüvədi (Jinə Nuədi) kənd camaatının paybəlli torpaqlarını su qiymətinə almağı bir yana, dəniz qırağında elə bir VİLLA tikib ki, bütün Qarabağ qaçqınları gen-bol orda yerləşib yaşamağına heç şübhəniz olmasın. Şəkildə gördüyünüz bu Villa hələ nədir ki, ondan aşağıda hələ dənizin içində də özünə "mini şəhərcik” tikdirir.
Əfsus ki, o əraziyə iki kilometr qalmış heç kim ora buraxılmır, hər tərəfdə kameralar qurulub... Dünən özümü çoban cildinə salıb, maşınımı tam uzaqlıqda saxlayıb, əlimdə bir ağac, iki inəyi də qabağıma qatıb, villaya bir qədər yaxınlaşıb, bu şəkili çəkə bildim. Dənizdəki şəhərciyə isə yaxın düşə bilmədim.
Hörmətli prezidentimiz ötən il Talış bölgəsinə səfəri zamanı bu tikililəri görüb, tamahı çəkib ki, niyə belə səfalı yerdə onun da bir balaca Villası olmasın. Bəli, o, bu arzusunu gerçəkləşdirib. Özünə bapbalaca bir Villa tikdirib ki, Bakı-Astara dəmir yolunun bir qolu Olimpiya kompleksinin arxasından düz onun Villasının içinə girir.
 Xədicə xanım da onun Lankon (Lənkəran) mülklərini qoyub, DUBAY mülklərindən deyir. Necə, necə? – Deyirsiniz Lankonda jurnalist yoxdur? Olmağına çoxdur, çi fayda, hamısı məddahlığı alnına yazıb, susurlar. Tərifdən başqa əlləri bir şey yaza bilmir, mövzuların çoxunu da internetdən oğurlayıb yazırlar. Burda şübhəli nə var ki, hökumətimiz də oğru deyilmi?
Aydın Mirzəzadə, yazıq tonlarla televiziya çıxışlarında deyir ki, Ermənilər acından ölürlər və s. Deyirəm ki, vallah bu Hadı müəllimin yerində kim olsaydı o tikdirdiyi mülkün pulunu verərdi Erməni dığalarına, heç olmasa bir rayonu işğaldan azad edib, Azərbaycan tarixinə yaxşı bir ad qoyardı. Bəlkə prezidentimiz də ondan ibrət götürüb, heç olmasa iki rayonu geri alardı. Bir halda ki, müharibə yolu ilə ala bilmirlər. Vallah deyirəm, bu lap optimal yol olardı.
Danabaşlarda belə düşüncə çətin ki, olsun. Onlardan hansı rayonda varsa, ancaq torpaq alırlar. Talış zonasında hər yeri alıblar. Hal-hazırda talışlar öz meşələrinə gedib istirahət edə bilmirlər. Lankonlı Xanbulana gedə bilmir. Üstündə dəbdəbəli prezident iqamətgahı olduğundan Xanbulana yaxına düşmək qadağandır. Bəzi ağzıgöyçək apponetlərimiz də deyirlər ki, "Talışın heç bir problemi yoxdur, lal olun, danışmayın, dil açıb danışsanız, ya İranın casuslarısınız, ya da separatçı.
Ay canınıza daraşım, səbirli olun, dözün, siz kasıblar o paybəlli torpaqlarınızı heç də könül xoşluğundan su qiymətinə satmırsınız ki, kritik ehtiyac ucbatından satmağınız isə gün kimi aydındır. Hadı müəllim də almasa kim alar?
Yenə deyirəm gözünüz aydın olsun ki, torpaqlarınız heç olmasa alınır!
Ditdili bəy
Karikaturalar arxivinə baxmaq üçün bura daxil ol
|
