İki gün öncə Lankona (Lənkəran) getdim. Doğrusu ölkədə baş alıb gedən məmur özbaşınalığının, insanların hüquqlarının addımbaşı ayaq altına atılmasının, döyüş bölgəsindən hər gün analırımızın üstünə bəlli olmayan səbəblərdən dünyasını dəyişən əsgər tabutlarının gətirilməsinin, ölkə boyu, o cümlədən Lankonun infrastrukturun dağıdılmasının, xarici ölkələrə külli miqdarda qaz satılması halda Lankon TİBB KOLLECİNİN təzəklə qızdırılmasının... fonunda mübariz Lankon əhalisinin sükut içində olması məni təəccübləndirmişdi.
Lankondakı keçmiş cəbhəçi dostlarımla görüşdüm. Bir çox məsələlər də daxil olmaqla, TALIŞ bölgəmizin ictimai-siyasi durumu barədə fikirlərimizi bölüşdük. Dostlardan ayrılıb evə qayıtmaq istərkən, şəhərdəki tikinti bumu mənim kameramdan yan keçmədi. Lankonun mərkəzində ucaldılan (foto) hündür mərtəbəli binaları görəndə sevindim. Fikirləşdim ki, bəlkə biz hər şeyi qara rəngdə görürük. Araşdırmadan sonra bəlli oldu ki, bu binalar Lankonda yaşayan nə türkə, nə də talışa məxsusdur. Sohbətləşdiyim adamlar bu binaları fövqəlnazirimizin PKK-çılar üçün tikdirməsini dilə gətirdi.
"Bu səbəbdən o evlərə heç kim köçürülmür. Kimsə baş alıb gedən dərəbəyliyə etiraza qalxarsa, onda xüsusi hazırlıqlı PKK-çılar həmin mənzillərə doldurulacaq" - dedilər.
Keçmiş cəhbəçi dostumdan (hazırda xəstədir) soruşdum ki, bəs bu qədər problemləri olan Lankonda niyə müxalif partiyaların səsi eşidilmir? Həmsöhbətim "müxalifətimizin indiki yerli başqanları "təzə bəy" kimi bəzənib-düzənib, gedirlər öz mərkəzdəki başqanlarının qəbuluna, yalanları ilə onların qulaqların doldurduqdan sonra, onlarla şəkillərin çəkdirib, ertəsi gün həmin şəkilləri sosial şəbəkədə fəxrlə yayımlamaqla işlərini bitmiş hesab edirlər", - deməklə, sözünü belə tamamladı: "5-10 nəfərdən ibarət partiyadaşlar polemikalarına bir qayda olaraq biri digərini tərifləməklə start verirlər. Regionda baş verən Nərimanabad kimi olaylara baxmayaraq helə də "xalq yatıb, biz nə edə bilərik" sualı ətrafında baş sındırırlar...
