Bu gün, çağdaş Azərbaycan ictimai-siyasi həyatının ən fəal nümayəndələrindən biri,  ölkəmizdə insan hüquq və azadlıqlarının qorunması, milli, dini mənsubiyyətindən asılı olmayaraq sivil, demokratik və bərabərhüquqlu vətəndaş cəmiyyəti quruculuğu naminə ardıcıl və prinsipial mübarizə aparan, hər zaman haqqın, ədalətin müdafiəçisi olan mərd, cəsarətli ziyalı Eldəniz Quliyevin doğum günüdür! 

Tale mənə Eldəniz Quliyev kimi yüksək intellektə, mədəniyyətə, əxlaqa, savada, nəcib insani keyfiyyətlərə malik ziyalı, istedadlı kinodramaturq, yaradıcı şəxsiyyətlə birgə işləməyi, fəaliyyət göstərməyi nəsib etmişdir! Eldəniz müəllim həm də, sözün həqiqi mənasında tolerant əqidəyə malik ictimai-siyasi xadimdir! O, doğma vətənimiz Azərbaycanda yaşayan hər bir xalqın, etnosun mental irsinə, onların milli-mənəvi dəyərlər sisteminə hörmətlə, nəvazişlə, qayğı ilə yanaşan, eləcə də Azərbaycan dövlətçiliyinin daha da möhkəmlənməsi naminə bu sahəyə ciddi önəm verən dəyərli ziyalı, böyük vətəndaşdır! 

Əminliklə bildirmək istəyirəm ki, ana yurdumuz Azərbaycan Respublikasının gələcək inkişafının perspektivləri,dövlətçiliyinin monolitliyi, əbədiliyi yalnız və yalnız Eldəniz Quliyev kimi yüksək erudisiyalı dünyagörüşə, demokratik prinsiplərə məxsus ziyalıların, ictimai-siyasi xadimlərin çiyinlərində qərar tutacaqdır! 

Mən öz adımdan, əqidədaşlarımın adından ölkəmizin bu talantlı, nəcib, demokratik ruhlu ictimai-siyasi xadimini, ziyalısını, yaradıcı şəxsiyyətini ad günü münasibəti ilə ürəkdən təbrik edirəm! Ona can sağlığı, uzun ömür, ailə səadəti və övladlarının xoşbəxt görməsini arzu edirəm! Eldəniz müəllimə ölkəmizi dünyanın inkişaf etmiş azad, demokratik, sivil ölkələri cərgəsinə qoşulması naminə apardığı mübarizədə uğurlar və bu yolda bütün arzularının tez bir zamanda həyata keçməsini arzu edirəm! 

Ad gününüz mübarəkdir, Eldəniz müəllim!
 
Mehdibəy SƏFƏROV

moderator.az