 Dünyanın bəzi müsəlman ölkələri bu günü şəvval ayının 1-ci günü və səadətli Fitr bayramı elan edib və bu münasibətlə bayram keçiriblər. Bəzi müsəlman dövlətlərisə bu böyük islami bayramı bir gün sonra qeyd edəcəklər.
Səudiyyə Ərəbistanının dini rəsmiləri bildiriblər ki, şəvval ayının hilalı avqust ayının 29-u bazar ertəsi görünüb. Buna görə bildiriblər ki, bazar ertəsi Ramazan ayının son günü və 30 avqust şəvval ayının 1-ci günüdür.
O cümlədən Misir, Qətər, Bəhreyn, BƏƏ, Küveyt, İordaniya, Yəmən, Fələstin, Suriya, Sudan, Tunis, Əlcəzair, İndoneziya, Malayziya, Türkiyə, Pakistan və Banqladeşdə bu gün şəvval ayının 1-i və Fitr bayramı elan edilib. Avropa, Şimali Amerika, Çin və Hindistanda da müsəlmanlar bu günü Fitr bayramı günü münasibəti ilə bayram namazı qılıblar.
Moskva və Sankt-Peterburq məsçidlərində on minlərlə insan namaz qılmağa toplaşıb. Dünən Ramazan bayramı ilə əlaqəqar olaraq Rusiya müsəlmanları da bayram namazı qılmaq üçün sakini olduqları şəhər və rayonlarda yerləşən məsсidlərə axın ediblər. Moskva və Sankt-Peterburq şəhərlərində isə, xüsusilə qələbəlik olub. Newsru.com-un xəbərinə görə, sübh namazında paytaxt məsсidlərini 90 mindən çox adam ziyarət edib. Təkcə elə Sülh prospektindəki Sobor küçəsindəki məsсidə 50 min adam toplaşıb. Bu zaman, təbii olaraq, məsсidin içərisində yer olmadığından, insanlar cannamazlarını məsсidlə paralel küçə boyu sərərək namazlarını orada qılıblar. Bununla əlaqədar olaraq, Şepkin və Durov küçələri hərəkət üçün bağlanıb, Sülh prospektində isə tıxac yaranıb.
Böyülk Tatar məsçidini isə təxminən 15 min müsəlman ziyarət edib. Bundan başqa, Minsk və Xaçaturyan küçələrindəki məsçidlərdə də ibadət mərasimləri keçirilib. Bu il ilk dəfə olaraq isə toplu şəklində ibadət mərasimi Moskva şəhər rəhbərliyinin xüsusi göstərişi ilə ayrılmış "Sokolnik” mədəni-sərgi mərkəzinin pavilyonunda da təşkil olunub.
Sankt-Peterburqun mərkəzində yerləşən məscidə də sübh namazı üçün onminlərlə insan toplaşıb. Məsciddən verilən xəbərə görə namaza 40 min, milis isə 20 min adamın toplaşdığını bildirib. "İnterfaks” müxbirlərinin müşahidəsinə görə isə, məscidin yerləşdiyi Petroqrad küçəsi dünən sübhdən möminlərlə dolub. Araqçın taxan gənc insanlar, ailələrilə birlikdə milli geyimlərdə "Qorkovsk” metrostansiyasının ətrafına toplaşıblar. Məscid hamını qəbul etmək üçün darısqal olduğundan, qalanları namazı ətrafda qılıb.
Namazdan sonra "Qorkovsk” metrostansiyası ətrafında basabas yaranıb. Başqa adamlar metro ekskolatoruna girmək üçün izdihamın arasından keçməyə məcbur olublar. Milis bayrama toplaşmış müsəlmanları hissə-hissə ayırıb ətrafdakı izdihamın dağılışmasına çalışsa da, heç kəs yerindən tərpənmək istəməyib və məscidin ərazisini birlikdə tərk etməyi üstün tutub. Ona görə milisin küçələri bağlı elan etməkdən savayı yolu qalmayıb.
TALISH.ORG
|
