Talış milləti ən qədim millətdir. Onun bütün antrapalogiyası, onun kəllə quruluşu sübut edir ki, bu millətin arxasında qalan olsa, bu millətdən dahilər çıxar. Onların beyinləri kompüterdi. Kompüter də get-gedə kiçilir. Bizim başımız da kiçikdir. Böyük baş deyil.
Bizdə incə Hind-Avropa kəlləsi var. Onun beyni də incədir. Mən həkiməm, mən görürəm ki bu beyində, indiki kompüterdən milyard dəfə güclü şeylər var. İndi Siz baxın ki, bu millətdən bu adamların çıxmasına mane olmaq üçün bimim fədailərimizi aradan götürürlər. Bu iblisin qanunlarıdır.
Novruzəli Məmmədov bizim tarixin inkişafinda birdən meydana çıxdı. Düzdü, çoxdandı işləyirdi, bilmirdik. O parlaq ulduz birdən parladı, hamı qorxdu.
Elə bildilər ki, bu ulduzu söndürsək, bundan sonra meydana Novruzəlilər gəlməyəcək. Bu ulduzu söndürmək lazımdır. Onu bir güclü, yalançı iddia ilə həbs etdilər. Birinci on beş gün tutarıq buraxarıq, sonra bir ay tutarıq buraxarıq, sonra üç ay. Burda onun vəkili oturub. Mənim ən əziz qardaşım. Ramiz indi burdadır. Nə qədər əziiyət çəkdi Novruzəli müəllim üçün...
Nə qədər sübut etdi ki, onun günahı yoxdur. Amma onların iddiası başqa idi, yolları başqa idi. Bu iblisin yolu idi. O gərək onun axırına çıxaydı. Onun axırına çıxaydı ki, bizim hamımızın gözünü qorxutsunlar. "Tolışi Sədo" qəzet gərək öləydi. Sönəydi gərək. Amma indi görürük. Mən niyə sevinirəm? Biz get-gedə qocalırıq. Mən çox fikirləşirəm. Bizim ardımızdan kim gələr? Görürəm, elə adamlar çıxır bizim adamlardan. Cavan üşaqlar. 10-cu sinifdə bir oğlan oxuyur Lənkəranda. Onuncu sinifdə. Bu saat onun elmi məqalələri "Tolışi Sədo" qəzetini bəzəyir. Rəngarəng edir. Hətta KQB onu çağırır. Sən bunu niyə belə yazırsan? Elə bil bir görkəmli alimdir yazır, bununla KQB məşğul olur.
Yox, o balaca bir uşaqdır. Deməli belə uşaqlar Talışda çıxır, çıxacaq. Novruzəlini aradan götürdülər. Novruzəlilər çox olacaq. Mən yeni Novruzəliləri alqışlayıram. Novruzəlinin ruhu onlarda yaşayır, onların bədənindədir. Nəsimi necə deyir: "Cismim gedir, ruhum sizdə qalır". Novruzəli getdi. Allah rəhmət eləsin! Onun 70 illiyini bu il biz bayram edirik. Amma Novruzəlilər gəlir. Onların qarşısını almaq olmayacaq. Çünki adi insanları götürək, adi bir bioloji fərdi tamam itirmək mümkün deyil. Bu qanundur. Bioloji qanundur. Bunun qarşısını necə almaq olar?
Talış yaşayır, talışın dili də yaşayır. Talışın dili də inkişaf edəcək. Amma bizim gələcəyimiz çox parlaq olar, yaxşı olar. Mən gələcəyə inanıram. Nə qədər gənclər, cavanlar gələrsə bizim yolumuza, o qədər biz möhkəm olarıq. Odur biz getsək də öz ruhumuzu bu cavanlara veririk. Bu cavanlar qoy bu işi inkişaf etdirsinlər.
