Главная » 2012»Август»24 » Cənubdan gələn səslər: “Facebook”da Ququş fırtınası
20:55
Cənubdan gələn səslər: “Facebook”da Ququş fırtınası
Ququş və ermənilər, Ququş və azərbaycanlılar
Bizdə ictimai rəyə təsir etməkdən asan şey yoxdur. Yadınızdadır? Meydan. 1988-ci il. "Oturmayan erməni!” nidası ilə bir milyon adamın yerə sərilməsi yaınızdadırmı? Bu nidanın sahibi bu gün zindandan nida edir, amma əbəs yerə. Heç kim durmur, heç kim oturmur, onun özünən baqa...
Məşhur İran müğənnisi Ququşun bu yaxınlarda Azərbaycan mahnısını ermənicə oxuması social şəbəkələrdə qasırğa qopmasına səbəb oldu. Vaxtı ilə hamının sevimlisinə çevrilən və azərbaycanlı kimi sevilən Ququş bir gecənin içərisində "millət xaini”nə çevrildi. Ictimai rəy Ququşa qarşı çevrildi. Əvvəldə dediyimiz kimi, Azərbaycanda ictimai rəyi oynatmaq çox asandır. Qasırğa uzun sürmədi. İki gün sonra Ququşun "Facebook”da Şərqi Azərbaycanda zəlzələdən zərər çəkən məzlumlara "bacı və qardaşlarım” deyə xitab edən status yayıldı. Və Ququşun Azərbaycan mahnısını ermənicə oxuması yaddan çıxdı. Görək nə vaxta kimi. Axı bizdə sabit fikir olmur. Cənubdan aldığımız məlumata görə, Ququşun atası azərbaycanlı, anası ermənidir. Kim bilir, bir gün bu fakt yayılarsa, ictimai rəy yenə istiqamətini dəyişəcəkdir.
Ququş ətrafında "Facebook”da qızışan mübahisələr İranda yaşayan azərbaycanlıların da diqqətindən yayınmamışdır. Bizə məktub yazan bir cənublu Ququşun tərcümeyi-halına dair maraqlı faktları qələmə alıb. Məsələn məlum olur ki, bir neçə dəfə Ermənistanda konsert verən Ququş Azərbaycanda heç vaxt konsert verməyib. Azərbaycan mətbuatı iddia edir ki, Ququşun erməni sevgilisi var və bu səbəbdən onu Azərbaycana getməyə qoymur. Amma bizə məktub yazan şəxsin dediyinə görə, səbəb bu deyildir. Səbəb odur ki, Ququş konsert üçün 200 000 dollar pul istəyib, Azərbaycan tərəf razı olmayıb.
"Facebook”da Ququşa hücum edib onu erməni adlandıranlara qəzəblənən cənublu oxucumuz yazır: "Bir vaxtlar kimlərinsə soydaşımız deyərək halvaya çevirdiyi Ququş xanımı indi "Facebook” səhifələrində erməni adlandırırlar. Nə olsun? Bakıda erməni yoxdurmu? Var, özü də rəsmi məmur səviyyəsində ermənilər var. Hələ vaxtı ilə Ermənistan xalq artisti adını alan deputatlar da var, anası erməni olan nazir də var…”
Məktubda sonra deyilir: "Allah canını sağ eləsin, Rövşən Bayramov. Böyük inqilabların baş verdiyi facebook səhifələrində öz adı və soyadı kimliyi ilə danışmaqdan qorxanlar gördüm yazırlar ki, türk oğlu türk Rövşən”, "Türkün gücün bu FARS itinə göstər!” Nədənsə iranlı güləşçi Həmid Suriyan Rövşən qardaşımızı yıxdı. Bu dəfə nə yazsalar yaxşıdır: "Olsun, Həmin Suryan da güneydəndi, öz balamızdı!” Bu adamlara bir sözüm var: gəlin elə birinci insana, yenə də insane dost olaq, qardaş olaq, dildaş olaq. Qoy hərə öz istəiyi kimi yoxsun: Bəlkə ə bizim problemlərimizin çoxu sizing kimi qorxaq adamların olmasındadı???”
Cənublumuzun fikirləri budur. Yenə təkrar edirik. Bizdə ictimai rəyə təsir etmək çox asandə Bunun üçün kürsüyə çıxıb: "Oturmayan erməni!” deyə nida etmək lazımdı. Amma ehtiyatlı olun, belə nida üstündə həbsxanaya düşmək olar...
Общественное мнение свойственна цивильным обществам. В Азер-не какое может быть общественное мнение, когда общество, вес народ загнаны в фобию ?! В армянфобию особенно!!!
Добавлять комментарии могут только зарегистрированные пользователи. [ Регистрация | Вход ]
