Seyran RƏFİYEV

Bildiyiniz kimi, 01.04.2014 – ci il tarixdə Biz, Azərbaycan Respublikası Prezidentinin Millətlərarası, Multikulturalizm və Dini məsələlər üzrə Dövlət müşaviri hörmətli Kamal Abdulla ilə görüşdə Milli azlıqlarla baglı və həlli vacib olan bəzi problemləri səsləndirdik, eləcə də konkret və real təkliflər irəli sürdük. Azəri – Talış İctimai Birliyinin sədri Mehdibəy Səfərov və “Tolışon Sədo” qəzetinin baş redaktoru Rafiq Cəlilov çıxış edərək, Talış xalqını narahat edən məsələlər barədə məlumat verdilər. Sözün əsl mənasında, konstruktiv və işgüzar şəraitdə keçən həmin tədbirdə bir sıra təkliflər müzakirə mövzusu oldu. Mən bir daha həmin təklifləri diqqətinizə çatdıqmaq istəyirəm: 

- Respublika Talış Mədəniyyət Mərkəzinin effektiv fəaliyyət göstərməsi üçün Dövlətin qaygısı vacibdir. Bu məqsədlə , təbii ki, Mədəniyyət Mərkəzi bina və otaqlarla təmin etməlidir;

- Lənkəran şəhərində fəaliyyət göstərən CTV –də Talış dilində bir neçə saatlıq verilişlər hazırlanmalı və talışların kompakt yaşadıqları regionda yayımlanmalıdır;

- Azəri – Talış Birliyinin Dövlət qeydiyyatından keçməsinə yaradılan süni əngəllər aradan qaldırılmalıdır;

- Talış dilində yayımlanan Regional radio - studiya açılmalıdır.

- Lənkəran Universtetində Talış dilinin və tarixinin inkişaf etdirilməsi üçün müvafiq Kafedra formalaşmalıdır;

- Talış dilində yeganə mətbu orqan olan “ TOLIŞON SƏDO” qəzetinin Respublika KİV sırasında layiqli yerini tutması üçün, ona KİV- ə Dəstək Fondu tərəfindən maliyyə yardımı göstərilməlidir.

Ən ümüdverən və cəlbedici ideya isə, görkəmli ZİYALI Eldəniz Quliyevin dəfələrlə səsləndirdiyi Azərbaycanda yaşayan xalqlarla əlaqədər bütün məsələlərin kompakt həllini ehtiva edən “Azərbaycan Evi” – nin yaradılması məsələsinə cənab Kamal Abdullanın ciddi diqqət ayırması oldu.

- Sadaladıgım təkliflərin mərhələli şəkildə baş tutması, habelə bu məsələlərin həlli yollarını biz, Kamal müəllimlə baş tutacaq gələcək görüşümüzdə müzakirəyə çıxardacağıq.

Beləliklə:
CTV- nin Talış dilində efirə çıxacaq verilişlərin müddəti və hansı estetik parametrlərdə olmalıdır? Orada hansı mütəxəsislər və kimlər işləməlidirlər?..

Regional radio verilişlərinin hazırlanmasında Talış dilini, mədəniyyətini, folklorunu, adət-ənələrini və başqa milli-mənəvi dəyərlər sistemini mükəmməl bilən peşəkar jurnalistlər necə və hansı meyarlarla seçilməlidirlər?..

Kamal müəllim görüşdə çox düzgün olaraq vurguladı ki, sadalanan bu məsələlərin həlli istiqamətində birgə səy göstərməliyik. Düşünürəm ki, biz də öz növbəmizdə çevik, proqmatik, real təkliflər planı hazırlayıb təqdim edərək, çoxdan həllini gözləyən vacib məsələlərə dəstək olmalı və lazımı köməklik etməliyik. 

P.S . Təkliflər paketinin hazırlanmasında Azəri – Talış Birliyinin mərkəzi qərərgahında intensiv işlər gedir. Dünənki statusumda qeyd eləmişdim ki; bizlər sözün əsl mənasında səmimi olmalı və nəhayət sözdən əmələ keçməliyik- özü də kreativ düşüncə tərzi və tədbirli yanaşma ilə!.. Mənəviyyatımızın tərkib hissəsi olan milli mədəniyyətimizin bərpası, adət - ənənəmizin, folklorumuzun, keçmişimizin qorunması deməkdir. Bu isə, öz növbəsində dilimizin, dinimizin və təbii ki, sabahkı mövcudiyyətimizin zəmanəti və təntənəsi deməkdir!" Odur ki, bu xususda konkret təklif və ideyası olanlar , birbaşa Mehdibəy Səfərova və yaxud mənə muraciət edə bilərlər. 

Allah – Təala yardımçımız olsun! Amin!