Главная » 2011»Май»21 » Bir yanda sevinənlər, bir yanda döyülənlər
15:37
Bir yanda sevinənlər, bir yanda döyülənlər
Hafiz Veravullu: "Polislər nəinki heç kimi kömək etməyə qoymur, hətta sakit duran azarkeşləri belə vururdular”
Artıq daha bir Azərbaycan Premyer Liqasını geridə qoyduq. Turun son matçı çempiona kubokun təqdim olunması ilə yanaşı, "Xəzər Lankon” azarkeşlərinin polislər tərəfindən vəhşicəsinə döyülməsi ilə də yadda qaldı.
XIX Azərbaycan çempionatı hərənin yaddaşına bir cür həkk olundu. Bu çempionat hər oyun bacardığı qədər komandasının yanında olan, onları 90 dəqiqə dəstəkləyən "Xəzər Lankon” azarkeşlərinin yadında isə təkcə çempionluğu itirməklə qalmayacaq. Həm də son matçda polislərin onlara qarşı etdikləri vəhşiliklərlə yaddaq qalacaq. 100 nəfərə yaxın tərəfdarın xəsarət aldığı, 20 nəfərin həbs olunduğu, həmin gün 10 nəfər azarkeş isə təcili yardıma aparıldı.
Düzdü, həmin hadisənin üstündən artıq 3 gündür keçir. Amma yaşananları son matçda komandasının yanında olan azarkeşlər hələ də unutmayıb. Və bu gedişlə hələ uzun müddət də yaddaşlarından silinməyəcək.
Video görüntülərin futbol mediyasına təqdim olunmasında böyük əməyi olan "Fırtına” fan klubunun İdarə Heyətinin üzvü Hafiz Veravullu ilə əlaqə saxlayıb, hadisələri onun dilindən eşitmək istədik. Olayların bir-başa içində olan Hafiz azarkeşlərin meydançaya daxil olmasını belə izah etdi:
"Oyun bitdikdən sonra futbolçular azarkeşlərə tərəf gəldilər. Məncə, futbolçular mövsüm boyu daim komandanın yanında olan azarkeşlərə öz təşəkkürlərini bildirməyi özlərinə borc bildilər. "Xəzər Lankon” azarkeşləri toplaşan sektorlardan kənardakı nəzarətsiz qalan tribunalarda oturan fərdi azarkeşlərimiz futbolçularla şəkil çəkdirmək üçün meydançaya daxil oldu. Onların artdınca isə fan klubların əyləşdiyi sektorlardakı azarkeşlər meydançaya axışmağa başladı. Elə hər şey bundan sonra başladı, olanlar oldu. Bir tərəfdən bu düzgün addım deyildi, amma polislərin bizə qarşı etdikləri...”
"Xəzər Lankon” klubunun təbliğatında mühim insanlardan biri olan Hafiz polislərin azarkeşlərə qarşı törəddiyi vəhşilikləri isə belə təsvir etdi:
"Polislərin azarkeşləri amansızca dubinkaya "qonaq etməsi” aranı qarışdırdı. Yuxarıda oturan polislərdən birinin azarkeşin yandırmış olduğu fişəngi aşağıya atması aranı daha da qızışdırdı. Həmin fişəng polisin həmkarına dəydi. Bütün informasiya saytlarında bunun "Xəzər Lankon”lı azarkeş tərəfindən edildiyi bildirilsə də, bu yanlış məlumat idi, çunki onu həqiqətən də polis etmişdi.”
Hafiz "Neftçi” azarkeşlərinin də meydana daxil olmasına öz münasibəti bildirdi:
"Polislər nəinki meydanda hətta stadiondan kənarda da bizə öz təyziqlərini davam etdirdilər. Qaranlıqda dubinkaları azarkeşlərimizə elə vururdular ki, elə bil biz yadıq. Yenə deyirəm ki, azarkeşlərin meydana daxil olması düzgün deyildi. Amma həmin vaxt "Neftçi” azarkeşləri də meydana daxil olmuşdu. Həmin azarkeşlərdən biri polisə belə bir sual ünvanladı: " Azarkeşləri döyməyinizin səbəbi nədir? ". Polis isə belə cavab verdi: "Meydana daxil olduqları üçün”. Həmin azarkeş gülərək: "Biz də meydanda idik.Bəs bizi niyə döymədiniz?”. Azarkeş bunu deməyinə peşman oldu. Polis onu da dubinka ilə döyməyə başladı. Polislər nəinki heç kimi kömək etmətə qoymur, hətta sakit duran azarkeşləri belə vururdular”
Sonda isə Hafiz azarkeşlərə qarşı törədilən bu hadisələrin digər klub tərəfdarlarının başına gələcəyindən qorxduğunu dilə gətirdi:
"Azarkeşlərin bu cür rəftarlarla stadiondan qovulması və kənarda belə döyülməsi hər şeydən əvvəl bir insan kimi mənim ürəyimi ağrıtdı. İndi bu hadisəyə çox üzülürəm. Qorxduğum odu ki, ən böyük azarkeş kütləsi olan "Xəzər Lankon” tərəfdarlarının başına gələn bu olaylar digər klublarımızın fanatlarının da başına gələcək. İnanıram ki, bununla bağlı ciddi ölçü götürüləcək, azarkeşlər bir də belə hallarla rastlaşmayacaq”.
Olacaq Hafiz. bele hallar hele de chox olacaq, sen qorxmaginda ol, onlar da oz qorxmaqlarinda ve bu sebebden azarkeshleri doymeklerinde olacaqlar. Qorxmayan it qapmaz, qorxan it qapar.
Добавлять комментарии могут только зарегистрированные пользователи. [ Регистрация | Вход ]
